Papërgjegjësia – shkatërrim i shtetit në konsolidim

Republikës së Kosovës thuajse po i zgjat mjegullia ende, pa i caktuar kufij këtij vesi. Qëndrimet e të punësuarve nëpër administrate, më dhanë këtë lloj frymëzimi për të shkruar dhe për ta pasqyruar tek instancat e larta këtë veti të keqe, sepse popullit nuk kam pse t`i tregoj sepse ai ndeshet me të sa herë që ai ka punë me ta. Si duket koha e pas luftës që kishte filluar me turbulence të mëdha nëpër administrata ka mbetur si një mësimi i fiksuar, por për të keq – kuptohet.

Mungesa e ndjenjave humane dhe mosnjohja e punës për të cilën paguhen bënë që ata të nervozohen me palët që u vijnë aty. Ata së pari duhet të kuptojnë gjënë themelore në vendin e punës ,se ata janë shërbëtorë të atij/atyre që shkojnë për t`u shërbyer nga “dikush”. Aty shumë herë nuk po mungonin as ushqime të ndryshme, pikërisht në banakun ku duhet vendosur letrat dhe dhënë këshillat.

“Njeriu para së gjithash duhet të mësoj shkallën e paditurisë së tij”, thoshte Sami Frashëri, në përmbledhjen e tij me proverba, por gjëja më e vështirë në botë është të pranohet faji, dhe gjithmonë ai (faji) i ngjitet dikujt tjetër, në këtë rast njeriut që ka nevojë për shërbim , e ky i fundit(në shumicën prej rasteve) duke mos e kuptuar pozicionin e tij, tërhiqet dhe i lejon atij brenda luksin e pamerituar në punë.

E keqja më e madhe në karrierën personale, është kur njeriu nuk arrin ta zotojë profesionin e tij, dhe si pasojë e kësaj vijnë të gjitha të këqijat që cekëm më lartë. Nuk mundet njeriu të jetë i suksesshëm nëse anashkalohet në raport me punët që janë obligim i tij.
Ende pa mundur të merret hapi i dytë, ne vetë po vemi pikëpyetje në atë të parin, dhe po i heqim edhe ato “shtylla” që i vuri dikush.

Shteti është i fuqishëm, atëherë kur ai arrin të përkujdeset për fatin e individit, por këtu po shihet e kundërta, zinxhirët shtetëror po e çrrënjosin, demoralizojnë popullin. Tani në përfundim s`na mbetet gjë për t`u thënë, vetëm të shpresojmë në forcimin e këtij zinxhiri dhe të ecim para.

(Autori është i diplomuar në Degën e Letërsisë Shqipe)