Trofeu MVP, ja kandidatët e momentit në NBA

Ndeshjet e para të kampionatit të basketbollit kanë sjellë edhe yjet e para të skuadrave, të cilët janë pretendentë për të fituar trofeun MVP të sezonit të rregullt.

Sot kampionati ka qenë pushim, ndaj dhe analistët kanë bërë një renditje të basketbollistëve më të mirë, kandidatë për trofeun MVP të sezonit të rregullt, trofe që sezonin e fundit e ka fituar Stephen Curry, transmeton Telesport.

Dhe ai është sërish në krye të listës edhe për sezonin aktual… Stephen Curry (Golden State)

1. Stephen Curry (Golden State) – Ka një mesatare prej 32 pikësh për ndeshje, ndërkohë që skuadra e Golden State nuk ka humbur asnjë takim këtë fillim-sezoni, duke korrur 16 fitore radhazi. Curry e krahason veten me Lionel Messi për sa i përket stilit të lojës dhe krijueshmërisë në fushë. Deri më tani nuk ka gabuar dhe është kandidati kryesor për ta fituar sërish trofeun e MVP-së për sezonin 2015-2016.
2. LeBron James (Cleveland Cavaliers) – Në këtë moment, “mbreti” nuk është në ditët e tij më të mira, teksa në disa ndeshje është eklipsuar nga Love. U kërkon shokëve të skuadrës me shumë angazhim në fushë. objektivi i tij është të shpallet jo më vetëm kampion në Lindje, por i gjithë NBA-së.
3. Russell Westbrook (Oklahoma) – Shifrat e tij në këtë fillim-sezoni janë mjaft të mira: 28 pikë, 10 asist dhe 2.5 vjedhje për ndeshje. Mungesa e Durant e ka bërë të jetë protagonist në fushë edhe pse Oklahoma ka luajtur me luhatje. Megjithatë, i vetëm ka arritur ta mbajë lart emrin e tij dhe të skuadrës kur është dashur.

4. Kawhi Leonard (San Antonio Spurs) – Është lojtari më i mirë i San Antonios. I rëndësishëm nën tabelë, jo vetëm në koshin e tij, por edhe në atë kundërshtar. Është kthyer në një lider në një skuadër ku ka shumë të tillë që e duan këtë rol. I saktë thuajse në çdo ndeshje, njeriu pa të cilin Spurs nuk do të kishin vendin e ndjekësit të Golden State në Perëndim.

5. Paul George (Indiana) – 26 pikë e 8 kërcime për ndeshje në këtë sezon në 24 minuta lojë janë kartvizita më e mirë e lojtarit të Indianës. Anësor apo më në qendër, kudo ta aktivizosh është i saktë. Ka arritur ta bëjë skuadrën e tij pretendente për titull në Lindje. Pas dëmtimit të sezonit të kaluar është kthyer më i fortë se më parë.

6. Anthony Davis (New Orleans) – Në tri takimet e fundit ka realizuar 26, 32 dhe 20 pikë, çka e kuotojnë qendër e Pelicans mes më të mirëve. Në këtë sezon ka një mesatare prej 17 pikësh e 18 kërcime për ndeshje, shifra që e renditin mes më të mirëve dhe pretendentëve për trofeun MVP.