Përforcimet më të mira të verës në Ligën Premier

‘Sportsmail’ ka bërë një analizë për transferimet e ardhura në Premierligë, duke shkruar se disa mund të mos i njihni, por që kanë potencial për të qenë hit këtë sezon.

Matteo Darmian (14.4 milionë funte)

Italiani i cili luajti kundër Anglisë në Kupën e Botës 2014 është taktikisht i zgjuar dhe po aq i aftë në sulm. Është 25 -vjeçar dhe luan mbrojtësi i krahëve.

Aleksandar Mitrovic (10 milionë funte)

Newcastle ka marrë në radhët e veta sulmuesin serb, Aleksandar Mitrovic. Ai ka kushtuar 10 milionë funte dhe ka shënua 27 gola me Anderlechtin. Tifozët e Newcastle shpresoj se ata kanë një tjetër Alan Shearer në skuadër.

Cedric Soares (4.7 milionë funte)

Kaloi nga Sportingu te Southampton dhe pritet të jetë një zëvendësim i përsosur për Nathaniel Clyne. Southampton ka treguar se di të zgjedhë talente shumë të mirë.

Ibrahim Afellay (I lirë)

Mesfushori i krahut pati kaluar te Barcelona nga PSV si një prej talenteve më të mëdha. Ai nuk arriti të tregojë vetën dhe u huazua te Schalke dhe Olympiacos. Te Stoke City mund gjejë një mjedis ku mund të bëjë mirë.

Jose Manuel Jurado (pazbuluar)

Lojtari i akademisë së Real Madridit kam luajtur edhe për Atletico Madridin. Një futbollist që di ta luaj rolin e numrit 10. Erdhi nga Spartak Moska në Ëatford dhe mund të jetë një lojtar që do t’i jap hijeshi Premierligës.

Dele Alli (5 milionë funte)

Mesfushori 19 -vjeçar që ishte në huazim te MK Dons pritet t’i kënaq tifozët e Spurs, ndërsa luajti edhe ndaj Real Madrid në miqësoren e së shtunës. Ai shënoi 16 gola te MK Dons dhe ishte ndër më të mirët në fitoren e MK Dons kundër Manchester United në Capital One Cup.

Andre Ayew (Pa pagesë)

Ganezi Ayew erdhi si lojtar i lirë nga Marseille te Swansea duke e lënë me gishta në gojë Romën. Ai mund të luajë në krahë të sulmit dhe në sezonin e shkuar shënoi 10 gola në Ligue 1.

Roberto Firmino (29 milionë funte)

Firminho erdhi nga Hoffenhaim te Liverpool për një shumë prej 29 milionë funtesh. 23 -vjeçari ka kontribuar drejtpërdrejt në 36 % të golave të kësaj skuadre në dy sezonit e fundit 2013-14 dhe 2014-15.

Max Gradel (7 milionë funte)

Një fytyrë e njohur për tifozët e kampionatin anglez pasi më parë ka luajtur me Leedsin. Ai kaloi në Saint Etienne në vitin 2011. Futbollisti nga Bregu i Fildishtë është kthyer në Angli, pas një sezoni në të cilën ai shënoi 17 gola në Ligue 1. Bournemouth ka bërë një zgjidhje të mirë.

Memphis Depay (25 milionë funte)

Holandezi Depay ka fascinuar para se të fillojë kampionati pasi ka shënuar plot shtatë gola ne para sezon. Depay e ka pranuar se ka shikuar videot e Cristiano Ronaldo në Youtube dujke marrë edhe nga teknika e tij. Ai ka kërkuar edhe numrin 7 legjendar te Manchester United. /Telegrafi/