Pesë sulmuesit që Unitedi duhet t’i transferojë në verë

Shumë ekipe dhe trajnerë do të donin të kenë në sulmin e tyre treshen Wayne Rooney, Robin van Persie dhe Radamel Falcao. Por trajneri i Manchester United, Louis van Gaal deklaroi se ai nuk ka një sulmues i cili është i aftë të shënojë 20 gola në sezon.

Nëse e analizojmë këtë deklaratë mirë, duhet të pranojmë se Van Gaal ka të drejtë. Rooney në shumicën e rasteve luan si mesfushor kurse Van Persie dhe Falcao nuk kanë treguar shumë në këtë sezon, ndoshta për shkak të moshës, lëndimeve apo formës jo të mirë. Por të tre janë larg nga ajo që trajneri i tyre kërkon, transmeton ‘koha.net’.

United pritet të godasë prapë në merkaton e verës, dhe Van Gaal thuhet se do të ketë 150 milionë funte në dispozicion që konkurrojë për titullin. Van Gaal pritet të rindërtojë mbrojtjen dhe mesfushën, por ai tani dëshiron edhe një sulmues i cili shënon rreth 20 gola në sezon.

Koha.net ju prezanton pesë lojtarë të cilët mund të jenë pjesë ekipit të Van Gaal në verë të cilët mund të shënojnë 20 gola.

Alexandre Lacazette

Sulmi i United ka qenë shumë i ngadalshëm këtë sezon, normal përveç të riut James Wilson, i cili ka shpejtësi por jo minuta në fushë. Të luash kundër sulmuesve të United, posaçërisht në një kundërsulm ku shpejtësia është arma kryesore është një gjë relativisht e lehtë, veçanërisht kur Falcao dhe Van Persie ndërtojnë sulmin.

Sulmuesi i Lyonit, Alexandre Lacazette posedon një shpejtësi shkatërruese, ai këtë sezon ka qenë i pandalshëm. Lacazette është golashënuesi më i mirë në Ligue 1 me 21 gola, dhe po ashtu ka krijuar 40 shanse për shokët e tij të ekipit.
Francezi luan si një sulmues anësor, ai ka realizuar 56 driblime të suksesshme këtë sezon, dhe kjo është një shifër më e madhe se e çdo lojtari tek United.

Ai është vetëm 23 vjeçar dhe kështu forma dhe cilësia e tij janë tregues se ai në të ardhmen do të jetë edhe më i fort.

Jackson Martinez

Jackson Martinez është treguar një sulmues shumë produktiv tek Porto, që nga transferimi i tij nga klubi meksikan Chiapas në vitin 2012. Ai ka shënuar të paktën 20 gola për një sezon në ligë, në dy sezonet e fundit në Portugali, dhe tashmë ka shënuar 17 gola.

Kolumbiani është një lojtar shumë i mirë, mund të themi një sulmues tipik edhe për Premier Ligë. Fiziku dhe loja e mirë në ajër do të përshtateshin pa problem me futbollin anglez dhe me atë që kërkon Van Gaal.

Trajneri holandez shumë shpesh e ka kërkuar këtë në lojën e United duke e dërguar Marouane Fellainin në një pozicion më të avancuar që të përfiton nga loja në ajër.

Kolumbiani gjithashtu ka një teknikë të mirë dhe këtë sulmuesi 28 vjeçar e tregoi më së miri kundër Sporting Lisbonës me një asistim mahnitës për Cristian Tellon.

Edinson Cavani

Edinson Cavani është një sulmues cilësor, dhe këtë e ka treguar më së miri me Napolin, por ka në një masë ka dështuar të tregon të gjitha vlerat e tij tek ekipi i PSG.

Uruguaiani rregullisht ka luajtur si një sulmues i dytë pas Zlatan Ibrahimovic, dhe kjo nuk është pozita natyrale dhe e preferuar e tij dhe kështu lojtari nuk është edhe aq i lumtur pasi nuk po mundet të japë atë që vërtet dëshiron.

28 vjeçari ka shënuar tetë gola në ligë këtë sezon, por nëse tek United ai rikthehet në qendër dhe ai shfrytëzon instinktet e tij prej një grabitqari para portës atëherë ne do të shohim Cavanin e vërtetë.

Kampionët francez duhet të shesin nëse dëshirojnë të shpenzojnë në verë, pasi kjo është rregulla e Fair Playt Financiar, dhe Cavani është ai që pritet të largohet i pari.

Paulo Dybala

Paulo Dybala është duke bërë një sezone mahnitës tek Palermo, 21 vjeçari tashmë është duke u krahasuar edhe me shokin e tij argjentinas, Sergio Aguero.

Normalisht ai ende ka shumë rrugë për të bërë për të arrit nivelin e Aguero-së, por të dy sulmuesit kanë një qetësi dhe teknik pothuajse të njëjtë para portës.

Dybala ka shënuar 12 gola në 24 paraqitjet në Serie A këtë sezon, dhe ka krijuar 37 shanse dhe 63 driblime, shifër që është me e madhja se e çdo lojtari tjetër në Serie A.

Vlera e sulmuesit të Palermos është rreth 30 milionë funte, por nëse United e dëshiron atë duhet të lëvizë shpejt pasi shumë ekipet tjera janë të interesuar për shërbimet e tij.

Mauro Icardi

Mauro Icardi nuk shquhet për aftësi të cilat më pas krijojnë shanse për gol për shokët e tij, por sulmuesi i Interit ka një aftësi tepër të çmuar, ai gjithmonë është në vendin e duhur dhe në kohën e duhur.

Ai ka 14 gola deri më tani në ligë në këtë sezon, gjë që e bën atë golashënuesin e dytë më të mirë në Serie A. Konvertimi i rasteve në gol tek Icardi është 24.6%.

Magjia e 22 vjeçarit, vjen vetëm brenda zonës së rreptësisë kurse jashtë saj duhet të përmirësohet me shumë. Ai ka një mesatare prej 19,68 pasime për një ndeshje, dhe kjo është një shifër shumë më e vogël se e çdo lojtari tjetër tek Interi.

Megjithatë, siç thamë më lart ai është vrasës brenda zonës së rreptësisë, me lëvizjet e tij inteligjente, të cilat janë pothuajse gjithmonë në vendin dhe kohën e duhur ai është i pamëshirshëm para golit. Me këto karakteristika ai është bërë një ndër lojtarët më të kërkuar në Evropë. Nëse drejt tij do të vinin më shumë topa ai është një makinë e pandalshme e golave. /Telegrafi/z