Robinho – përforcimi i ri i Manchester Cityt

Njё përshkrim 60-sekondёsh i përforcimit tё ri tё Manchester Cityt, superyllit brazilian Robinho, i cili nё çastet e fundit tё afatit kalimtar kaloi nё Premierligё nga Real Madridi, pёr njё shumё prej 32.5 milionё funtesh.

– I lindur nё: Sao Vicente afёr qytetit Santos, nё Brazil – mё 25 janar tё vitit 1984.

– Robinho u zbulua nga Santos nё vitin 1996 dhe filloi tё luajё pёr divizionin e juniorëve tё këtij klubi. Nё vitin 1999, kur Pele e solli Robinhon nё ekipin e tё rinjve dhe raportohet tё ketë thёnё: “Ky djalosh mё kujton fillimn e karrierës time”.

– Ai nёnshkroi kontratё profesionale me Santosin nё vitin 2002 dhe nё dhjetor ky klub mposhti favoritin, Corinthians, pёr tё fituar kampionatin brazilian.

– Ai ndihmoi Santosin tё arrijë nё finale tё Copa Libertadores pёr tё parёn herё nё 40 vitet e fundit, nё qershor tё vitit 2003, kur humbёn nga ekipi argjentinas, Boca Juniors.

– Ai bёri debutimin me kombëtaren braziliane nё humbjen 1-0 ndaj Meksikos nё qershor tё vitit 2003 nё finalen e Gold Cup. Ai ndihmoi ekipin tё fitojё Kupёn e Konfederatave nё qershor tё vitit 2005 dhe Kupёn e Amerinёs nё vitin 2007, duke përfunduar garёn si golashënuesi mё i mirё i turneut, me gjashtё gola.

– Nёna e tij Marina de Souza, u kidnapua nga dy burra tё armatosur nё nëntor tё vitit 2004. Ajo u lirua nё dhjetor, ndërsa dy ditё mё vonё, Robinho ndihmoi Santosin tё mposhtё ekipin Vasco da Gama, duke e mposhtur 2-1 nё ndeshjen e fundit, pёr tё fituar kështu edhe kampionatin brazilian, pёr tё dytёn herё nё tri vite. Ai përfundoi si golashënuesi mё i mirё pёr Santosin, me 21 gola tё sezon.

– Pas njё sage tё ashpër transferimi, Real Madridi arriti marrëveshje me Santos pёr tё blerё brazilianin pёr njё shumё prej 17 milionё funtesh. Ai nënshkroi marrëveshje pesëvjeçare me Realin nё gusht tё vitit 2005.

– Robinho bёri debutimin pёr Realin si zёvendёsues, duke shkëlqyer nё fitoren 2-1 ndaj Cadiz, por dёshtoi gjatё sezonit tё parё, duke shёnuar vetëm tetё gola nё 37 paraqitje.

– Ai fitoi titullin e parё nё La Liga nёn urdhrat e trajnerit Fabio Capello nё vitin 2007, por shumicën e kohës u fut nё lojё si zёvendёsues. Nё La Liga shёnoi gjashtё gola nё 32 paraqitje.

– Robinho dominoi lajmet nё tetor tё vitit 2007, kur u zbuluan detaje tё njё ndeje tё çmendur pas fitores 5-0 tё Brazilit ndaj Ekuadorit nё kualifikimet pёr Kupёn Botёrore. Reali mori masa disiplinore pasi qё ai mungoi nё njё ndeshje tё ligës, pas rikthimit tё tij tё vonshëm nga angazhimi me kombëtaren.

– Ai ndihmoi Realin tё fitojё titullin e dytё me radhë nё La Liga nё sezonin e kaluar – mё i miri i tij nё klubin spanjoll – kur shёnoi 11 gola nё 32 paraqitje nё ligё, dhe katёr tё tjera nё Ligёn e Kampionёve.

– Pas shumё spekulimeve, ai e bёri tё qartё nё javën e fundit tё gushtit, se dëshironte tё largohej nga Reali pёr tё kaluar nё Chelsea, pasi qё klubi kishte analizuar shitjen e tij, pёr tё blerё yllin e Manchester United, Cristiano Ronaldon.

– Reali nuk e shiti Robinhon tek Chelsea, por e pranoi ofertёn e klubit tjetër tё Premierligёs, Manchester Cityt. Braziliani pritet tё lidhё kontratё katërvjeçare me klubin nga Manchesteri. /Reuters/