Përvoja e parë me partnerin e ri

Në saje të fjalëve, dashuria platonike sa çel e mbyll sytë mund të shndërrohet në dashuri seksuale.

Një nga mënyrat më suptile dhe më të lezetshme që biseda erotike të futet në lidhjen e dashurisë është kërkimi erotik. Para se të fillojë ky proces, do të dëshironi ta puthni ose ta përqafoni partnerin tuaj. Ta zëmë, ta ledhatoni shpinës, pastaj me majë të gishtërinjve ta prekni lehtë veshin e tij të majtë dhe me dorë ia fërkoni gjoksin dhe e pyetni se ç’gjë nga këto i pëlqen më shumë. "Çka të pëlqen më shumë, kjo… apo kjo? Prisni sa të përgjigjet e pastaj vazhdoni ta prekni dhe ta përkëdhelni.

Mos iu shmangni koncentrimit ndaj partnerit, mos e ndërprisni as kontaktin nga ndjenjat personale seksuale. Përqendrojeni vëmendjen më atë se cilat vende të trupit të tij shkaktojnë shqetësim te ju. Shqetësimi juaj personal do të jetë një nxitje më shumë për të, njëfarë afrodiziaku i llojit të vet. Fjalët edhe në këtë shkallë mund ta bëjnë të veten.

Me anë të zërit sensual i tregoni se dëshironi ta njihni se cilën pjesë të trupit të tij, se cilat janë më të ndjeshmet ndaj prekjes së tij, se sa dëshiron me butësi dhe me ashk ta përqafoni, ta shtrëngoni, ta xigëloni… me gojë, me dorë, me gjuhë.

Hulumtimi erotik ka shumë anë dhe efekte të mira. E para, shërben që të evitohet mirë pengesa për të arritur deri tek intimiteti për personat të cilët kanë frikë ta manifestojnë shqetësimin e vet seksual. E dyta, sjell informacione plotësuese për dëshirat seksuale të partnerit. E treta, dëshmon se keni dëshirë t’ia përmbushni kënaqësinë partnerit tuaj. E katërta, e inkurajon partnerin në mënyrë që edhe ai vetë ta shprehë sensualitetin e vet me fjalë. E pesta, nëse vërtet jeni inventiv gjatë hulumtimit se ku dhe si duhet ta prekni partnerin tuaj, kjo do t’i kontribuojë lidhshmërisë reciproke gjatë përjetimit të kënaqësisë.

Ekziston edhe mënyra tjetër e përdorimit të folurit erotik gjatë kohës së dashurisë. T’ia bëni të mundur partnerit tuaj që të mësojë sesi e ndieni ju veten gjatë kohës kur ju prek dhe ju përkëdhel. "Oh, oh… sa kënaqësi e madhe është", "Ah, sa mirë është kur më përkëdhel kështu… Të lutem, përsërite këtë edhe njëherë…", të gjitha këto janë mendime të cilat i japin të kuptojë se ju shkakton kënaqësi të madhe dhe nxitje që t’ju shkaktojë kënaqësi edhe më të madhe edhe më shumë. Shqetësimi juaj i afrohet kulminacionit, pse ta fshihni këtë gjë nga ai? Ka plot fjalë të cilat do t’ia zbulojnë këtë: "Kjo është gjë e mrekullueshme, mos u ndal fare! "Ah, ç’kënaqësi më ka shkaktuar", "Ti vërtet e di ç’dëshirë kam unë!"

Çlirojuni nga ankthet që të mund të vëreni sesi frymëmarrja, përkëdheljet dhe kundërmimet e partnerit tuaj do të ndikojnë në shqetësimin dhe në disponimin tuaj dhe fjalët tuaja le të bëhen shprehje e nxitjes dhe e përvojës suaj seksuale. Në këtë mënyrë, kënaqësia dhe shqetësimi juaj do të timbrojnë në tonin dhe në ngjyrën e zërit tuaj, sikundër edhe në fjalët të cilat i shqiptoni. /Telegrafi/