Interneti, si shkak i prishjes së kurorës

Së paku dhjetë për qind nga 90. 000 çifte bashkëshortore çdo vit kërkon këshilla nga organizata “Relate”, duke u ankuar në internetin si shkaktarin kryesor të mospajtimeve në bashkëshortësi.

Interneti është bërë shkaktar i rëndësishëm në prishjen e bashkëshortësive në Britani të Madhe, ka njoftuar organizata britanike për këshilla çiftëve të rinj bashkëshortorë. Së paku dhjetë për qind nga 90.000 çifte bashkëshortore çdo vit kërkon këshilla nga organizata “Relate”, duke u ankuar në internetin si shkaktarin kryesor të mospajtimeve në bashkëshortësi, transmeton Telegrafi.

Për shkak të varshmërisë së krijuar me këtë mjet të ri komunikimi, shumë britanikë kalojnë fare pak kohë me partnerin. Si shkaktar i dështimit të bashkëshortësive, theksohet fakti se interneti mundëson mbajtjen e kontakteve të fshehta me partnerin e kaluar, si dhe se shumica kërkojnë argëtim në sajtet pornografike. Sidomos është interesant i ashtuquajturi “cybersex”.

Në dhomat për chat, pra për bisedë, njerëzit njihen, kurse më pas, kur e gjejnë personin që u përgjigjet, vazhdojnë t’i shkruajnë vetëm atij, që përmes fjalëve të bëjnë dashuri. Më së shpeshti kështu partnerët bashkëshortorë gjejnë atë që u mungon në shtëpi. Kështu përmes internetit realizohen lidhjet e ëndrrave – “partnerët” kurrë nuk njihen, fantazojnë se si personi nga, ana tjetër, duket si nga ëndrrat dhe kuptohen në fushë të shpirtit e të seksit. Nuk është rast i rrallë që prej këtyre kontakteve të lindin edhe lidhje të reja dhe bashkëshortësi të reja. /Telegrafi/