Dashuria lind pas tre tremujorëve

Nëntë muaj nevojiten që të lindë foshnja, e sipas ekspertëve po aq muaj i nevojiten edhe një lidhjeje stabile, për të jetuar të lumtur dhe në përqafim të partnerit ideal të jetës.

Tremujori i parë
Tre muajt e parë të secilës lidhje janë të mbushura me eufori dhe pasion për personin tjetër, kështu që gjithë ditët mendojmë për takimin e sërishëm dhe simpatinë tonë.
Gjatë kësaj kohe nuk shohim asgjë negative, madje edhe shprehitë e tij jo të mira na duken të ëmbla. Seksi dhe argëtimi i mirë na shtyn të mendojmë se përfundimisht e kemi gjetur personin e duhur.

Tremujori i dytë
Gjatë kësaj periudhe kohore fillojmë ta vërejmë se si partneri, të cilin e kemi zgjedhur nuk është edhe aq i përsosur sa dukej në fillim. Edhe pse provojmë ta injorojmë këtë fakt, mangësitë e tij gjithnjë e më shumë na tërheqin vëmendjen. Gjërat e vogla që në tremujorin e parë nuk përbënin problem, tash kanë filluar të pengojnë dhe në mënyrë automatike i kujtojmë pluset dhe minuset, duke i peshuar dhe menduar nëse ia vlen të jemi me një person si ky.

Tremujori i tretë
Gjatë kësaj faze më seriozisht zhvillohet komunikimi, e me vetë këtë ato probleme të vogla bëhen të zgjidhshme dhe fillojmë të fokusohemi në anët pozitive të personit që dashuroj më. Po ashtu, kjo është koha e duhur për ta vlerësuar nëse duam apo nuk duam ta vazhdojmë lidhjen. /Telegrafi/