Familja dëbohet nga fluturimi – vajza dy vjeçare nuk vendos maskën

United Airlines ka dëbuar një familje në SH.B.A. pasi vajza dy-vjeçare e çiftit refuzoi të vendoste maskën gjatë një fluturimi.

Linja ajrore kërkon që të gjithë pasagjerët të mbajnë një mbulesë fytyre për të parandaluar përhapjen e coronavirusit, dhe politika zbatohet për të gjithë pasagjerët e të gjitha moshave.

Eliz Orban dhe burri i saj e patën shumë të vështirë që vajza e tyre të mbante një maskë fytyre nga Denver në Newark para se të fillonte fluturimi.

Today we got kicked off of a United flight going from Denver to Newark because our 2yo would not “comply” and keep her mask on. Go see the full IGTV on my Instagram @elizfulop 😷 pic.twitter.com/KXCICsBSMj

— Eliz Orban (@elizfulop) December 12, 2020

Burri i saj u përpoq të bindte vajzën e tyre për të vendosur maskën e fytyrës, por vajza filloi të qante dhe nuk donte të bashkëpunonte. Burri i tha një stjuardese se ishte i gatshëm të mbulonte gojën e saj gjatë fluturimit, por kjo nuk i plotësonte kërkesat e linjës ajrore COVID-19.

Kështu, si rezultat, familja u dëbua nga fluturimi.

E gjithë sprova u regjistrua nga Orban, dhe ajo më vonë e postoi atë në rrjetet sociale, ku historia u bë virale.

Ajo shtoi se ata ndiheshin sikur nuk morën asnjë paralajmërim, asnjë pyetje, asgjë për të ndihmuar situatën. Ajo përfundoi se u ndje sikur t’i thoshin, “Oh, mirë fëmija juaj dy vjeç nuk po bindet, ju duhet të jeni jashtë aeroplanit”. /Telegrafi/