Tash pothuajse është i qartë rezultati i votimeve të 6 tetorit 2019 në Kosovë. Lëvizja Vetëvendosje (VV) i ka fituar zgjedhjet me një përqindje të ngushtë. Pavarësisht diferencës mes dy partive të para, duket që sovrani ka vendosur t’i japë një mundësi – që mund të jetë historike – një force politike që asnjëherë nuk është provuar në qeverisjen qendrore.
Dikush mund të mos pajtohet më pikëpamjen time, por mua personalisht nuk më pëlqeu mënyra se si u perceptua ky rezultat zgjedhor. Shumë e quajnë fitore historike. Madje, një personalitet publik fitoren e VV-së e lidh me lirinë, një kualifikim ky pretencioz dhe infantil. Përveç kësaj, më është dukur si shfaqje e protagonizmit paksa të theksuar nga fituesi i zgjedhjeve. Jo vetëm për shkak të fitores tepër të ngushtë, por edhe për shkaqe tjera.
Nuk e ndaj mendimin e shumicës kur thonë se ndryshimi ka ndodhur, apo se rezultati i zgjedhjeve është historik. Përse ta quajmë historik? Asgjë e jashtëzakonshme nuk ka ndodhur. Është një rezultat që si duket do të na mundësojë të heqim qafe një kastë politike që për 12-13 vite ka keqqeverisur. Vota jonë ka hequr përkohësisht nga skena një grup njerëzish që vetëm në shërbim të popullit nuk kanë qenë.
Pse mendoj që rezultati i zgjedhjeve nuk është historik?
E para, ky s’është automatikisht një ndryshim politik. Rezultati i zgjedhjeve e determinon veç ndryshimin e nomenklaturës politike që do ta qeverisë Kosovën në katër vitet e ardhshme. Se a do jetë qeverisje historike apo jo, mbetet të shihet. Ky s’është gjë tjetër përpos një shans, një mundësi që këtë rast i është dhënë VV-së për t’u prirë ndryshimeve. Për më tepër, ky është një verdikt i popullit që përcakton mandatarin për kryeministër.
E dyta, ndryshimi historik nuk është një akt, është një proces. Ndryshimi nënkupton transformimin rrënjësor të shoqërisë. Procesi kërkon angazhimin e njerëzve të veçantë që dinë ta bëjnë ndryshimin. Krijimi i një qeverie me njerëz të këtillë nuk është fare i lehtë. Kjo sepse vet rezultati i zgjedhjeve e ka determinuar domosdoshmërinë e krijimit të një koalicioni politik. Ndërkaq, mandatari (të cilin tashmë e dimë se kush do të jetë), nuk ka shumë alternativa. Rezultati i zgjedhjeve duket ia ka determinuar shokun apo shoqen e rrugëtimit qeverisës. E, kjo është LDK.
Po të isha në pozitën e mandatarit, unë do t’i gëzohesha këtij fakti, sepse në LDK ka profesionistë të vërtetë. Brenda kësaj partie ka burra dhe gra shumë të zotët që e kanë ekspertizën e nevojshme për qeverisje. E kanë atë që në gjuhën e biznesit e quajmë ‘know-how’. Nuk dua të sjell emra këtu, por ky është fakt. Po ashtu është fakt që VV nuk e ka mjaftueshëm këtë aset brenda vetes. Nëse VV mendon që do ta bëjë ‘ndryshimin historik’, siç po pretendojnë, vetëm me entuziazëm, me militantizëm, pa mendje, pa racionalitet, pa njerëz që i kanë atributet e sipërpërmendura, do ta bëjë gabimin e njëjtë që e kanë bërë paraardhësit e saj.
Shtrohet pyetja, sa do arrijë mandatari të shfaq aftësitë dhe kapacitetin politik për të sjell brenda qeverisë së tij ekspertët e LDK-së? Nuk besoj që mandatari do arrijë të mobilizoj ekspertin, intelektualin e sinqertë nëse shfaq mendësi autoritare e që te shqiptarët këtë ves si duket e kemi në gjene. Ashtu siç e thotë Kadare, deliri i madhështisë që secili nga ne e bartim me vete, është armiku me i madh i shqiptarëve.
Andaj, dua ta ritheksoj. Ndryshimi historik nuk ndodhi, por mund të vjen. Neve si popull na është shfaqur vetëm perspektiva për ta ndryshuar të ardhmen tonë. Kjo është në dorën e atyre që do të na qeverisin. Se a do ta bëjnë këtë, kjo mbetet të shihet në të ardhmen.
Promo
Reklamo këtuLufta Prigozhin - Putin
Më shumëTjetër fitore për Ukrainën: Rusia tërheq nga vijat e frontit dhjetëra aeroplanë luftarak
Erjolën e hedhin në mes të natës në pishinë, i ekspozohen pjesët intime
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Shikoni videon që riktheu shpresën në Kiev, 42 tanke dhe mjete luftarake ruse shkatërrohen në Donetsk
Larg Meritonit me pushime në Itali, turisti e pyet a je e famshme? - Ilnisa Agolli jep përgjigjjen interesante
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City