Gabimet që i bëjmë kur përdorim deodoransin

Shikoni nëse edhe ju po i bëni këto gabime.

Përdorimi në lëkurë të lagësht

Deodoransi më mirë dhe më gjatë vepron kur qitet në lëkurë të thatë. Pra, nëse sapo keni dalë nga vaska apo nga kabina e dushit, fshijuni mirë para se të spërkatni deodorans nën sqetulla, transmeton Telegrafi.

Përdorimi menjëherë pas rrojës

Jo vetëm që do të ndieni djegie, por mund të irritoni seriozisht lëkurën tuaj, posaçërisht nëse spërkatni deodorans i cili ka alkool. Prisni të kalojë së paku një orë pas rrojës. Përdorimi në lëkurë të djersitur. Shtresa e re e deodoransit nuk do të ndihmojë që të keni aromë të freskët dhe të mirë, por krejtësisht e kundërta. Deodoransi bën funksionin e vet vetëm nëse e spërkatni në lëkurë të larë dhe të thatë.

Përdorimi në mëngjes

Deodoransin duhet ta përdorni në orët e natës, para se të shkoni të flini gjumë, jo në mëngjes, për shkak që ky është mjet për higjienë më efikas kur qelizat e lëkurës janë më pak aktive.

E përdorimi deodoransin çdo ditë

Shikoni se çfarë shkruan në udhëzimin e deodoransit të cilin e përdorni – a vepron 48 orë? Nëse po, përmbajuni udhëzimeve dhe mos e përdorni shpesh. Ata të cilët kanë veprim të zgjatur kanë përbërës më agresivë, të cilët mund të irritojnë seriozisht lëkurën tuaj.

Përdorimi gabimisht i produktit

Kur ta blini deodoransin është me rëndësi të dini tipin tuaj të lëkurës. Produktet të cilat përmbajnë shumë alkool, mund të shkaktojnë irritime. Gjithashtu, ato të cilat përmbajnë kripë, plumb apo në to shkruan që kanë “veprim të zgjatur”, mbase janë më efikas, mirëpo mund të jenë edhe më irritues. Prandaj, kurojeni lëkurën nën sqetulla njësoj si edhe lëkurën në fytyrën tuaj – me kujdes. /Telegrafi/