Femrat fillojnë të mos e dashurojnë partnerin për katër arsye

Femrat fillojnë të ç’dashurohen çdo ditë. Sidoqoftë, humbja e ndjenjave të tyre ndaj partnerit nuk ndodh papritmas!

Zakonisht njëri apo dy partnerët ndihen shumë komod me njëri-tjetrin dhe ndalojnë së kushtuari vëmendje njëri-tjetrit siç kanë bërë dikur, transmeton Telegrafi.

Dhe kështu, pas një kohe zgjoheni pranë njëri-tjetrit për ta kuptuar se jeni bërë të panjohur për njëri-tjetrin, ose edhe më keq, armiq!

Nëse partnerja e jetës suaj së fundmi është ndarë nga ju dhe nuk e dini për çfarë, atëherë këto mund të jenë disa nga arsyet:

Nuk ndihet e vlerësuar

Nëse dëshironi që zonja juaj të qëndrojë në lidhje, duhet t’i tregoni asaj çfarë domethënie ka për ju. Bëjeni të ndihet e rëndësishme dhe e dashuruar. Trajtojeni mirë sepse përndryshe fillon të ndihet e pavlerësuar, dhe kësisoj vjen deri te ndarja.

Mungesa e intimitetit

Kur një grua ndihet e lidhur emocionalisht, ajo ndjen nevojë më të madhe të ndihet e dashuruar dhe të dashurojë. Megjithatë, përderisa shumica e njerëzve e ndërlidhin fjalën “intimitet” me seks, intimiteti është shumë më ndryshe. Intimiteti ka të bëjë me të qenit të hapur ndaj njëri-tjetrit, ta kuptoni dhe të mësoni nga njëri-tjetri, të kujdeseni për njëri-tjetrin, etj.

Dikush tjetër po i kushton më shumë vëmendje

Kur nuk i kushtoni vëmendje, dikush tjetër e bën këtë për ju! Një grua duhet ta dijë se është e dëshiruar dhe se jeni e lumtur me të. Posa dikush tjetër të fillojë t’i dhurojë vëmendjen të cilën ajo e do, kjo mund të mjaftojë që ajo të mos ju dashurojë më dhe të bie për dikë tjetër.

Nuk e mbështetni

Një gruaje i nevojitet dikush me të cilin i ndan shpresat dhe ëndrrat. Gjëja e fundit që i duhet një femre është t’i thotë dikush se nuk është mjaftueshëm e zgjuar për t’u ngritur në pozitë apo për të qenë lidere. /Telegrafi/