Vjeshtë e florinjtë fundvitesh 60-të. Gjermania po linte prapa kohën e një lavdie të heshtur. Pa fjalë, arrogancë apo rivalizim politik. Ishte mëkëmbur nga pluhuri i ariozofisë dhe arena e gjakut ishte shndërruar në punishtë djerse që ringjallte Europën.
Por, kish trokitur një orë e re. Tani ajo do ngrinte sytë për të parë diellin. Të shihte përtej votrës së coptuar. Lufta e ftohtë dhe Sovjetët kishin shtrënguar darësh të rënda hemisferën e kuqe. Veçse ajo, natyrshëm, kishte dhimbjen e vet: gjermanët e saj në pjesën e këputur që vuanin hekurat dhe skamninë!
Në këtë sfond të ngrirë, Willy Brandt-i promovonte strategjinë e kundërt tejpamëse të “Kthesës përmes afrisë” që, rrjedhimisht, pezullonte doktrinën e vjetër përballëse të Hallstein-it.
Kjo pra, do të ketë qenë arsyeja që para 50 vitesh (si evokon “Faz”), tre shkrimtarë të mëdhenj: Eberhard Jäckel, Günter Grass und Siegfried Lenz, u bashkuan në fushatë zgjedhore për të, yllin e një kohe tjetër.
Dhe Brandt-i që deshi e do bëhej kancelar, kishte ngasjen dhe idenë e një flete të ndryshme në kalvarin e ftohtësisë ndërvllaznore. “Ost-Politika”, duhej ta mbyllte këtë plagë trishte. Një klimë e re besimi e afrimiteti do të ndodhte vërtetë. Ndaj, kje pikërisht filozofia historikisht urtake dhe kurajoze e shtendosjes që do të pararendte rrëzimin e mëpasmë të Murit fatkeq.
Ndërsa mendoja këtë, ndjeja zilinë dhe, natyrisht, dëshirimin që dhe Kosova të jetojë orën e tillë: shkrimtarë që rreshtohen në anën e shenjëmirës historike. Por jo! Ata ose janë të shushatur dhe, bashkë me kupën, zbrazin mëllefin n’për kafenetë e tymta, ose, madje anojnë klientelisht për statu-quonë ku i poshtri e injoranti prejnë kostumin e jetës shtetërore…
Që këtej, pra, paralelja është humbëse. Sepse, ndërsa gjermanët që mendonin ndryshe nga Treshi i madh letrar, kishin, së paku, një justifikim të denjë – këta një përligjje të tillë, mjerisht, nuk e kanë. Konrad Adenauer dhe Ludwig Erhard, patën rivënë themelet e krenarisë kombëtare dhe të ekonomisë lulëzimtare. Kurse vitet që Kosova lë pas, janë plot varfëri, krim dhe errësirë.
Përse aherë kjo ndërgjegje? Kjo përulje? Dhe ky kumt i lig që i dërgohet kohës ardhmëtare?
Lufta Prigozhin - Putin
Më shumëNga Rubrika
Pavarësisht nëse Robert Fico mbijeton dhe rifillon ose jo detyrën, Sllovakia është në situatë të rrezikshme
Lidhja mes ekonomive: Roli katalizator i pagesave ndërkufitare me kosto të ulët në Ballkanin Perëndimor
Riorganizimi i makinerisë së luftës së Putinit, zbulon frikën e tij më të thellë – ngritjen e rivalëve në Kremlin
Kosova mbetet jashtë Këshillit të Evropës, nuk hyn në agjendën e Komitetit të Ministrave
Anëtarësimi i Kosovës në KiE, Vuçiq thotë se lobi i Knausit dhe britanikët po përpiqen të bëjnë "një truk” tjetër
Carlo Ancelotti i ka kërkuar Real Madridit transferimin e yllit të Arsenalit në verë
Ministri francez: Çështja e Kosovës mund të shkaktojë përçarje në KiE
Gjermania: Kosova të dërgojë në Kushtetuese draftin e Lajçakut
Zvicra publikon listën preliminare për Euro 2024, mes tyre gjashtë shqiptarë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë