Bashkimi ideal dashuror dhe partneri juaj ideal

Nëse i besoni asaj që thonë yjet, shikoni ciceronin tonë të vogël të astrologjisë për gjetje e partnerit ideal, dhe do të zbuloni se cilat nga 12 shenjat e horoskopit ju janë më të përshtatshme në dashuri.

Nëse tashmë keni gjetur personin e përshtatshëm, sa për t’u argëtuar, verifikoni se a përputhet Zodiaku me zgjedhjen tuaj.

Dashi-Peshorja
Energjia e Dashit, pasion i rezervuar i Peshores. Një çift ideal. Dashi gjuetar zbulon sekretet e Peshores, e cila bëhet pre e pëlqimit. Së bashku ata shkojnë shumë mirë dhe mund të zhvillojnë projekte të suksesshme. Atyre u shkon përshtat thënia “bashkimi bënë fuqinë”…

Demi-Akrepi
Dy shenja shumë të ndryshme, deri të kundërta, por plotësuese të njëra-tjetrës. Demi është i qetë, ndërsa akrepi është i zjarrtë dhe gjithë pasion. Dy mënyra të ndryshme për të përballuar jetën që mund të bien ndesh dhe të krijojnë tensione. Por zgjidhja është gjithmonë në dorën tuaj, mjafton të largoni çdo presion, t’i kushtoni pak kohë jetës në çift dhe gjithçka zgjidhet.

Binjakët-Shigjetari
I pari është padyshim intelektual, i dyti pak filozof. Takimi i tyre gjeneron një energji të veçantë, ndonjëherë edhe “mbytëse”. Të lindurit e shenjës së Shigjetarit nuk i durojnë fjalët e shumta dhe thashethemet e Binjakëve, që do të ndihen pak të zhgënjyer nga kjo mungesë e bashkëfajësisë mendore. Në këtë çast kritik, më mirë është të kënaqeni me të afërmit ose miqtë duke kaluar një pasdite në ajër të pastër, apo duke parë një film të bukur etj. Të qëndroni bashkë me njerëz të tjerë do t’ju bëjë të ndiheni mirë.

Gaforrja-Bricjapi
Gaforrja kërkon gjithmonë siguri, Bricjapi e do jetën dhe dashurinë, pa tepri. Së bashku ata bëjnë shkëndija, edhe pse ndonjëherë ata që kanë lindur nën shenjën e Gaforres mund të ndihen të lënë pas dore, ndërsa ata të Bricjapit pak të “mbytur”. Më mirë të flisni dhe t’i sqaroni pozicionet reciproke. Herë pas here, nëse do të bëhet ndonjë pushim i vogël, do të ketë me siguri efekt pozitiv.

Luani-Ujori
I pari ndihet mbret, i dyti është shpërfillës dhe aspak i nënshtruar. Takimi midis tyre do të jetë shpërthyes, por pozitiv. Luani pretendon vëmendje, ndërsa Ujori nuk është shumë i gatshëm për këtë dhe ka tendencë të qëndrojë larg “madhërisë së tij”, që mundohet në çdo mënyrë për ta bërë atë xheloz. Për të riekuilibruar raportin është e nevojshme që çifti të “izolohet”, të rigjenden mes katër mureve pa asnjë ndërhyrje nga jashtë.

Virgjëresha-Peshqit
E para është urdhëruese, metodike dhe praktike, ndërsa të dytët janë më të çuditshëm dhe më instiktivë. Ata ndajnë pak gjëra të cilat rrjedhin nga pasionet e mëdha. Por Peshqit nuk i durojnë dot çikërrimat dhe Virgjëresha gjërat e pabesueshme. Atyre u duhet ajër i ri, miqësi të reja, përvoja të reja dhe më pas takohen përsëri, duke kuptuar se kanë nevojë për njëri-tjetrin. /Telegrafi/