Si të tejkaloni grindjet dhe të mbani lidhjen tuaj të fortë

Janë tri problemet më të shpeshta në çift, të cilat po nuk u zgjidhën me kohë mund të kenë pasoja të paevitueshme në vazhdimin e lidhjes dhe bashkëjetesës.

Sapo keni kaluar fazën e "muajit të mjaltit" në lidhjen tuaj dhe po vëreni se partneri juaj ka filluar të distancohet? Ja disa nga këshillat se si të komunikoni, të tejkaloni grindjet dhe të mbani lidhjen tuaj të fortë.

Ajo nuk ju beson plotësisht
Ajo dyshon se ti shikon çdo femër që të del përpara! Pse? Duhet të jetë për arsye se ti e ke shqisën e shikimit të zhvilluar deri në atë masë sat ë tërheqin vëmendjen edhe gjërat e vogla. Sigurisht meshkujt i shikojnë femrat, por ata që janë në lidhje e bëjnë këtë rrallë. Ftojeni atë në takim me shokët tu dhe dëshmoja që keni sy vetëm për të.

Keni nevojë për më shumë kohë "vetëm"
Mund të jetë e vështirë të fillosh ta largosh veten nga ajo, pasi që je mësuar të kalosh aq shumë kohë bashkë. Pasioni është akoma i pranishëm, por ti ndihesh sikur ajo po të zë frymën. Binde të kalojë më shumë kohë me shoqet e saj, apo duke bërë shoping. Gjatë kohës sa jeni bashkë, kalo më shumë kohë duke biseduar, e jo duke Shikuar TV.

Grindeni vazhdimisht
Kur edhe mosmarrëveshja më e vogël kthehet në një luftë të madhe, mund të kthehet në një pengesë serioze për lidhjen tuaj. Ndërpriteni argumentimin. Mendoni a ia vlen me të vërtetë të grindeni për diçka të tillë? Nëse po atëherë vendoseni veten në pozitën e saj dhe mendoni si ajo. Dëgjoni me kujdes fjalët e saj dhe ato që thotë, mos e injoro. /Telegrafi/