Rrëfimi i ushtarëve ukrainas që u zunë rob nga rusët: Na prisnin organet gjenitale me thikë

Ushtarët e Vladimir Putinit po praktikojnë metodat më brutale të torturimit të burgosurve të luftës në Ukrainë, të cilëve ua kanë prerë organet gjenitale me thikë në kampet e torturimit në Rusi.

Dy të mbijetuar të moshës 25 dhe 28-vjeç që ishin në burgjet e Rusisë për tre muaj, kanë folur për përvojën e tyre të hidhur ne ato që ata i quajnë kampe torturimi duke i krahasuar me diçka më të keqe sesa ferri, transmeton Telegrafi.

Dy ushtarët ukrainas që u rikthyen në vendlindje si pjesë e programit të shkëmbimit të burgosurve, dhe që më pas u intervistuan nga psikologia Anzhelika Yatsenko, 41-vjeçe, që ndihmon të rinjtë të ballafaqohen me traumat, kanë rrëfyer në detaje jetën në ato burgje të Rusisë.

Lexo po ashtu Edhe rusët e pranojnë se po ka sukses ofensiva ukrainase: Ata kanë marrë nën kontroll një fshat dhe po avancojnë

Fillimisht për muaj të tërë nuk kanë mundur të tregojnë se çfarë u ka ndodhur, duke pyetur vazhdimisht se nëse diku ekziston ferri, atëherë sigurisht se vendi ku kanë qëndruar është vet ferri.

Ata i treguan Yatsenkos se çfarë u kishte ndodhur, ndërsa ajo kishte shkuar në tualet dhe kishte qëndruar për disa minuta e mbyllur, duke mos mundur të ndalë lotët.

Ushtarët ukrainas i kishin treguar sesi ushtarët e dehur rusë ua prisnin organet gjenitale të burgosurve, duke përdorur thika nga më të ndryshmet.

Lexo po ashtu Ukrainasit pretendojnë se shkatërruan një depo municioni të rusëve, në qytetin e pushtuar në rajonin e Khersonit

Njëri nga viktimat i tha se nuk e dinte sesi ishin akoma gjallë, për faktin se kishte shumë gjakderdhje. Madje gjatë këtij akti, ushtarët rusë u thoshin se këtë po ua bëjnë me qëllim që të mos mund të kenë fëmijë.

Megjithatë, njëri prej tyre ka arritur të rikuperohet plotësisht dhe të rikthehet në detyrë – pra si ushtar i ushtrisë ukrainase. /Telegrafi/