Evo ga efekat LRAD zvučnog topa. pic.twitter.com/lsbRAYM2yU

— Eko Straža (@EkoStraza) March 15, 2025

Presidenti serb Aleksandar Vuçiq ka folur lidhur me zhvillimet e fundit në Serbi, përkatësisht protestën në Beograd.

Ai në fillim të fjalës së tij ka treguar se është mbajtur një protestë e madhe dhe nuk ka të lënduar.

“Ka disa dhjetëra persona të mbetur në gjendje të dehur që po përpiqen të sulmojnë policët dhe të gjithë të tjerët në Parkun e Pionierëve. Fillimisht dëshiroj të shpreh kënaqësinë time që në emër të të gjithë qytetarëve të Serbisë u mbajt një protestë e madhe, me energji të jashtëzakonshme dhe negative dhe zemërim dhe mllef që nuk u shpreh në dëmtime serioze ndaj autoriteteve”, citohet të ketë thënë ai.

Sipas tij, “gjithsej 44 persona janë në Qendrën Emergjente, 11 në Qendrën Spitalore Klinike Zvezdara, gjithsej 56 persona, askush nuk është i lënduar rëndë”.

Ai ka shtuar se ashkush nuk është në rrezik për jetën. /Telegrafi/

Protestat e mëdha qytetare nisën zyrtarisht në kryeqytetin serb në orën 16:00 dhe dhjetëra mijëra qytetarë u mblodhën para Kuvendit të Serbisë.

Protestat dhe grumbullimi i qytetarëve në Beograd, të cilat filluan në orët e hershme të mëngjesit, zyrtarisht kanë përfunduar dhe qytetarë të shumtë dalëngadalë po shpërndahen nga sheshi Slavija dhe Kuvendi i Serbisë, shkruajnë mediat e huaja, përcjell Telegrafi.

Studentë nga e gjithë Serbia u mblodhën deri në orën 13:00 në katër lokacione në Beograd.

Nga këto lokacione, në orën 13 janë nisur drejt Kuvendit të Serbisë, ku janë mbajtur protestat më të mëdha.

Protestat nisën zyrtarisht në orën 16:00 dhe qendra e Beogradit u bllokua plotësisht.

Rreth orës 20:00 qytetarët mbajtën 15 minuta heshtje, e cila u ndërpre për rrethana ende të paqarta.

Më pas studentët hoqën jelekët dhe njoftuan se protestat do të përfundonin që nga ai moment.

Incidentet janë regjistruar në sheshin Nikola Pashiq, para Kuvendit të Serbisë, ndërsa mediat raportojnë se një grup i caktuar nga Parku i Pionerit ka gjuajtur me shishe dhe gurë ndaj studentëve.

Megjithatë, përkundër këtij incidenti, situata nuk ka përshkallëzuar.

Studentët janë tërhequr në universitetet e tyre, xhandarmëria ka ulur mburojat dhe qytetarët pritet të largohen nga rrugët. /Telegrafi/

“Protesta e studentëve po përfundon. Rojet tona i kanë hequr jelekët. U bëjmë thirrje qytetarëve që të tërhiqen”, shkruan organizatorët në rrjetet sociale.

Grupi i quajtur “Studentët 2.0”, që i kundërshton ata, raportohet të ketë gjuajtur me gurë dhe shishe në drejtim të tyre.

Ministria e Punëve të Brendshme e Serbisë tha se ka bërë thirrjen e fundit për ndalimin e menjëhershëm të të gjitha sulmeve dhe provokimeve ndaj punonjësve të policisë, në të kundërtën tha se policia do të ndërhyjë dhe do t’i mbrojë efektivët e saj konform ligjit.

Në deklaratë thuhet se disa incidente dhe përleshje kanë ndodhur në disa lokacione në qendër të Beogradit “midis disa pjesëmarrësve në protestë, të cilët sulmuan vazhdimisht policët, duke u përpjekur t’i pengojnë ata në kryerjen e detyrës”.

Një i ri është goditur me shishe në kokë. Ai kishte gjak në duar dhe lëndime në kokë, për këtë arsye ka ndërhyrë ambulanca.

Incident na Trgu Nikole Pašića: Grupa muškaraca pretukla mladića. pic.twitter.com/mmm5htXuod

— НИН (@NedeljnikNIN) March 15, 2025

Policia në Beograd është urdhëruar të lëvizë drejt qendrës së qytetit, edhe pse ende ka mijëra njerëz në rrugë.

Megjithatë, deri më tani nuk ka pasur incidente apo konflikte mes policisë dhe protestuesve.

Vetë pjesëmarrësit në protestë brohorasin “Arresto Vuçiqin” ndërsa policia kalon pranë.

Studentët janë tërhequr në fakultetet e tyre dhe në disa lokacione në Beograd qytetarët janë ende në rrugë.

Përveç sulmit ndaj studentëve në Parkun Pioneer, nuk pati incidente të tjera të mëdha apo përplasje mes demonstruesve dhe policisë.

Protesta duhej të zgjaste deri në orën 21:00, por përfundoi pas sulmit ndaj studentëve.

Presidenti serb Aleksandar Vuçiq do të flasë në orën 22:00.

Mes mesazheve kundër regjimit të presidentit serb Aleksandar Vuçiq, nuk munguan edhe mesazhet kundër Milorad Dodik, presidentit të entitetit Republika Srpska të Bosnjë dhe Hercegovinës.

Në një nga pankartat shkruhej “Dodik nuk është Republika Srpska, Vuçiq nuk është Serbia”.

15 minuta tišine za 15 žrtava u padu nadstrešnice u Noovm Sadu. pic.twitter.com/7FtoHnvdSU

— Telegram (@TelegramHR) March 15, 2025

“Si dikush që mora pjesë më 5 tetor, më duhet të them se këtu ka më shumë njerëz dhe sipas bindjes sime, më shumë se 500.000 njerëz janë në protestë…”, ka thënë Bozho Preleviq, avokat dhe ish-ministër i Brendshëm të Republikës së Serbisë.

Qindra mijëra njerëz raportohet të jenë mbledhur në Sheshin Sllavija në qendër të Beogradit, mbrëmjen e së shtunës.

Kërkesë kryesore e protestuesve është përgjegjësia politike dhe penale për tragjedinë në Novi Sad, ku nga shembja e një strehe në Stacionin Hekurudhor të qytetit humbën jetën 15 persona, nëntorin e kaluar.

Qytetarët e mbledhur para Kuvendit të Serbisë tashmë po lëvizin drejt sheshit Slavija, ku po zhvillohet pjesa kryesore e protestës së sotme.

Presidenti serb, Aleksandar Vuçiq, ka bërë një postim në Instagram ndërsa në Beograd po zhvillohet një protestë e madhe kundër tij.

“Rroftë Serbia!”, ka shkruar ai, teksa shihet në një fotografi, i mbështjellë me flamurin serb.

View this post on Instagram

A post shared by Александар Вучић (@avucic)

Šta kaže tačkasti softver? pic.twitter.com/eHT8rsroia

— Željko Veljković (@novinarupenziji) March 15, 2025

Sipas vlerësimeve të policisë në Serbi, në tubimet e sotme të pikut në të gjitha lokacionet në Beograd, numri i pjesëmarrësve në tubim ka qenë rreth 107.000.