Lionel Messi është një ndeshje larg fitimit të Kupës së Botës, i vetmi çmim që nuk e ka fituar në karrierën e shkëlqyer në të cilën i është dashur të kapërcejë vështirësi, siç janë katër Botërorët e mëparshëm me Kombëtaren e Argjentinës.
Messi po thyen të gjitha rekordet në nivel kombëtar dhe disa në nivel botëror. Ai është më efektivi që ka qenë ndonjëherë në një Kupë Bote.
Shumë e prisnin këtë përpjekje të fundit të Kupës së Botës nga 10-shi, por jo aq shumë prisnin një shfaqje kaq të mrekullueshme sa ajo që ai po shfaq në Katar.
Më shumë gola se më parë
Messi ka pesë gola në gjashtë ndeshje deri më tani. Tre nga golat kanë ardhur nga penalltitë, duke e çuar numrin e tij në 11 gola në Kupën e Botës, tashmë përpara 10 golave të Gabriel Batistuta. Në vitin 2014, ai shënoi katër gola.
Performancat më të mira se golat
Përveç shifrave të golave, për shumë, Messi po performon më mirë se kushdo tjetër në Kupën e Botës, megjithëse finalja do të vendosë se kush e fiton trofeun e lakmuar të FIFA-s ‘lojtari më i mirë’ i Kupës së Botës.
Lidershipi
Pjekuria i ka dhënë atij më shumë lidership brenda dhe jashtë fushës. Ai është më shumë kapiten se në të kaluarën. Tërheq më shumë grupin, siç e ka treguar në momentet e vështira ndaj Holandës.
Më shumë asistime
Messi deri më tani ka grumbulluar tre asistime në gjashtë ndeshje, e fundit prej tyre një i mrekullueshëm për Julian Alvarez. Tetë asistimet e tij në Kupën e Botës barazojnë Diego Maradonën, të cilin ai mund ta kalojë në një rekord të ri nëse mund të bëjë një tjetër në finale.
Pjekuria
Messi ka folur me shtypin në fund të çdo ndeshjeje. Që në fillimin e parë, në të cilin humbën ndaj Arabisë Saudite, Messi ka pasur një qëndrim të qetë, të matur dhe të mençur ndaj lojës.
Inteligjenca fizike
“Nuk mund ta gjuaj më gjatë dhe të vrapoj pas topit. Jam 35 vjeç dhe duhet të jem i zgjuar”, tha ai së fundmi. Messi, në moshën e tij, është i vetëdijshëm për kufizimet e tij. Prandaj, fizikisht, ai është më i zgjuar se kurrë dhe nuk vrapon kurrë për hir të vrapimit.
Këmbëngulja e tij për fitore
Messi nuk e ka fituar kurrë Kupën e Botës, por nuk është për shkak të mungesës së këmbënguljes. Aq sa nesër ai do të bëhet lojtari me më shumë ndeshje në historinë e Kupës së Botës, me 26 sosh, duke kaluar gjermanin Lothar Matthaus (25). Nesër ai do të kalojë edhe italianin Paolo Maldini si lojtari me më shumë minuta të luajtura në një Botëror. Maldini ka 2217 nga Messi aktualisht 2194.
Shënimi i golit të parë
Messi nuk është vendimtar vetëm në sasi, por edhe në cilësi. Nga pesë golat e tij, në katër nga gjashtë ndeshjet e tij, ai ka hapur rezultatin, edhe pse goli i Arabisë Saudite nuk vlente shumë.
Marrëdhëniet me tifozët
Marrëdhënia e Messit me tifozët argjentinas ka qenë gjithmonë e mirë, megjithëse, padyshim, me ulje-ngritjet e rezultateve, ka ardhur e ka shkuar. Ai nuk është parë asnjëherë të kënaqet me tifozët e Albicelestes sa në këtë Botëror të Katarit.
Reputacioni i tij
Ai është fokusi i shtypit dhe publikut botëror. Është e vërtetë që jo të gjithë duan që Messi ta fitojë këtë Kupë, por të gjithë e admirojnë karrierën e tij. Ai është lojtari që tërheq vlerësimet më unanime për Kupën e Botës që mund të fitonte në moshën 35-vjeçare.
/Telegrafi/
Nga Rubrika
Gjyqtari përdori një rregull që pak kush e njeh në boks gjatë humbjes së Furyt nga Usyk
Sulm i tmerrshëm në Francë: Të shtëna armësh në drejtim të tre lojtarëve të Marseilles
Arne Slot u tregon drejtuesve të Liverpoolit emrat e katër lojtarëve rreth të cilëve dëshiron të ndërtojë ekipin e tij
Dalin pamjet nga reagimi i Tyson Furyt në zhveshtore pas humbjes nga Oleksandr Usyk
Ka dyshime se Guardiola dhe De Bruyne kanë gjetur klubin e ri - do të shkojnë atje së bashku në vitin 2025
Në gardën e nderit, të gjithë e duartrokitën Kloppin - përveç një lojtari
Davide Ancelotti duket se po largohet nga Real Madridi - ka ofertën në tavolinë
Misteri rreth Mbappes: Nga lëndimi, strategjia e Enriques, dhe momenti i sikletshëm me një femër në Kanë
Si mund të luajë Liverpooli nën urdhrat e Arne Slot - formacion pa sulmues natyral
Më të lexuarat
Qysh nga raundi i parë u vërejt se diçka nuk shkon me Tyson Furyn - tani publikohen pamjet
Besnik Berisha: Enver Sekiraqa nuk është arratisur
Ato që dimë deri tani rreth aeroplanit “të rrëzuar” të presidentit të Iranit
Dy gra u martuan te Bashkia e Tiranës, Malaj: Kundër veprimeve që e tejkalojnë ligjin
"Askush nuk donte të fliste me mua te Barcelona, vetëm Eric Abidal” - ylli i ri francez tregon vuajtjet te gjiganti i La Ligas
Aeroplani “i rrëzuar” i presidentit të Iranit, thuhet se tanimë ka pasur një kontakt me pasagjerët dhe anëtarët e ekuipazhit