SHBA me rekord të ri, pas pandemisë hapen 9.3 milionë vende të reja pune

Me rënien e rasteve me COVID-19 si dhe të atyre që kanë humbur jetën nga ky virus dhe marrja e vaksinave anti-COVID, bota ka filluar t’i rikthehet normalitetit – që nënkupton që edhe ekonomia po ringjallet.

Kështu vetëm gjatë muajit prill në Shtetet e Bashkuara janë hapur afro një milion vende të reja pune, që është një shifër rekord sipas zyrës së statistikave – që e krahason si rekord që nga viti 2000, transmeton Telegrafi.

Afro 9.3 milionë vende të reja puna në pozita të ndryshme dhe 8.3 milionë për ekonomistë, parashihen të ndodhin në SHBA, transmeton Telegrafi.

Kërkesa për fuqi punëtore po rritet dita-ditës, pasi që kompanitë e mëdha po bëjnë të pamundurën që të rimëkëmbin bizneset e tyre në veçanti në këta muaj të verës – ku numri i turistëve rritet dukshëm.

Por pavarësisht kërkesave të mëdha për fuqi punëtore, qytetarët ende nuk janë të gatshëm për rikthim në punë për shkak të shumë arsyeve.

Shumë prindërit duhet të kujdesen për fëmijët dhe punë tjera të shtëpisë derisa pandemia po vazhdon – duke ua pamundësuar rikthimin në vendin e tyre të punës.

E punëdhënësit kanë filluar të brengosen për një fakt të tillë, duke u frikësuar se nëse ky trend vazhdon ata do të mbesin pa fuqi punëtore. /Telegrafi/