Xhudo (që në shqip do të thotë ‘mënyrë e butë’) është krijuar në vitin 1882 nga Jigoro Kano, si një pedagogji fizike, mendore dhe morale në Japoni. Në përgjithësi konsiderohet si një art modern marcial që më vonë u zhvillua si një dyluftim dhe pastaj si sport olimpik.

Tipari më i spikatur është elementi konkurrues, ku qëllimi është hedhja apo rrëzimi i kundërshtarit, imobilizimi ose nënshtrimi, si edhe detyrimi për t’u dorëzuar përmes kapjes apo asfiskimit.

Majlinda Kelmendi është xhudistja më e suksesshme e Kosovës, e cila ka fituar tituj evropianë e botërorë, ndërsa në gusht 2016 u bë sportistja e parë e vendit tonë që fiton Medaljen e Artë Olimpike.