Nëse shtytja për të rrëzuar Bashar al-Assad ka lindur diku, ajo ka lindur në Deraa, një qytet i vogël në Siri pranë kufirit jordanez.

Këtu, më 21 maj 2011, trupi i torturuar dhe i gjymtuar i 13-vjeçarit Hamza al-Khatib iu dorëzua familjes së tij disa javë pas arrestimit të tij në një tubim antiqeveritar, për më shumë klikoni këtu.

Ndërsa valët goditëse nga rrëzimi i regjimit të Bashar al-Assad vazhdojnë të ndihen në Siri, Izraeli ka goditur bazat ushtarake në vend.

Aeroplanët izraelitë kanë bombarduar të paktën tre baza të mëdha ajrore të ushtrisë siriane që strehojnë dhjetëra helikopterë dhe aeroplanë luftarakë, sipas burimeve të sigurisë siriane…lexo më shumë.

Burime të besueshme i kanë thënë agjencisë së lajmeve reuters se Turqia po vijon sulmet intensive ndaj objektivave në verilindje të Sirisë.

Sulmet vijnë në kuadër të përpjekjeve të saj për të dobësuar ndikimin dhe fuqinë ushtarake të grupeve kurde në rajon, veçanërisht milicisë kurde YPG, të cilën Ankaraja e konsideron si një zgjatim të Partisë së Punëtorëve të Kurdistanit (PKK), e cila është e shpallur organizatë terroriste nga Turqia…lexo më shumë.

Gjenerali më i lartë i SHBA-së në Lindjen e Mesme ka vizituar trupat amerikane të stacionuara në Siri.

Gjenerali Erik Kurilla “mori informata prej dorës së parë rreth masave të mbrojtjes së ushtrisë, situatës që po zhvillohet shumë shpejtë dhe përpjekjeve të vazhdueshme për të parandaluar ISIS-in të shfrytëzonte situatën aktuale”, thuhet në një deklaratë.

Katari dhe Turqia dënuan inkursionin e Izraelit në territorin sirian pas rënies së qeverisë së Bashar al-Assad.

Një zëdhënës i ministrisë së jashtme të Katarit tha se ishte “e papranueshme” që Izraeli po përpiqej të përfitonte nga situata në Siri, duke shtuar se izraelitët kishin shkelur sovranitetin e shtetit sirian…lexo më shumë.

Zyrtarë të lartë të administratës së presidentit amerikan, Joe Biden janë në kontakt të ngushtë me rebelët sirianë që rrëzuan regjimin e Bashar al-Asadit, sipas Shtëpisë së Bardhë.

Zëdhënësi John Kirby tha gjithashtu se SHBA-ja ishte në kontakt me zyrtarët e Iizraelit, pasi trupat izraelite vazhdojnë të pushtojnë pjesë të Sirisë.

Ai tha gjithashtu se Uashingtoni dëshiron të sigurojë që populli sirian të jetë në gjendje të përcaktojë të ardhmen e tij.

Ushtria libaneze ka lëshuar një deklaratë duke thënë se persona të armatosur të panjohur iu afruan një poste kufitare të ushtrisë.

Burrat vinin nga territori sirian.

Të shtëna paralajmëruese u qëlluan ndaj personave të armatosur, të cilët u detyruan të ktheheshin në Siri, tha ushtria libaneze.

Kreu i grupit Hayat Tahrir al-Sham (HTS), Abu Mohammed al-Jolani, në komentet e para për mediat perëndimore që nga rrëzimi i qeverisë së Bashar al-Asad, tha se nuk do të ketë një “rikthim në panik”.

I pyetur nga mediumi skynews, se cili është mesazhi i tij për vendet e huaja, lideri rebelëve u shpreh se “nuk duhet të kenë frikë në mënyrë të panevojshme, në dashtë Zoti. Vendi do të rindërtohet. Frika buronte nga prania e regjimit – vendi po shkon drejt zhvillimit dhe rindërtimit, drejt stabilitetit”…lexo më shumë.

Operacioni ushtarak përfshinte marrjen e kontrollit të zonës tampon në lartësitë e Golanit dhe sigurimin e pozicioneve strategjike pranë kufirit izraelit për të garantuar sigurinë e Izraelit dhe pakicave etnike të Sirisë.

Një objektiv tjetër i operacionit ishte shkatërrimi i forcave ajrore, marinës, automjeteve të blinduara dhe aftësive të tjera strategjike të regjimit të Basha al-Assadit, me qëllim eliminimin e potencialit ushtarak të ish-ushtrisë siriane.

Presidenti turk, Recep Tayyip Erdogan, u zotua se integriteti territorial dhe sovraniteti i Sirisë do të mbrohet me çdo kusht dhe se Turqia nuk ka synime të futet atje.

“Turqia nuk i ka vënë syrin territorit apo sovranitetit të një shteti tjetër. Integriteti territorial i Sirisë duhet të mbrohet me çdo kusht. Siria i përket sirianëve me të gjitha identitetet e tyre etnike, fetare apo sektare. Populli i Sirisë do të vendosë për fatin e Sirisë”, tha Erdogan gjatë një fjalimi në Ankara.

Sundimtari i rrëzuar sirian Bashar al-Assad iku në Moskë pasi u arratis nga Damasku të dielën, ku i është dhënë azil politik.

Kremlini ishte një nga mbështetësit kryesorë të Assadit në përpjekjet brutale të qeverisë së tij për të mposhtur rebelët. Disa ditë më parë roli i Moskës në Siri dukej i palëkundur, por tani, sipas ekspertëve, Kremlini do ta ketë të vështirë të rifitojë terrenin e humbur…lexo më shumë.

Izraeli shkatërroi flotën siriane gjatë natës, tha ministri izraelit i Mbrojtjes, Israel Katz.

Operacioni dukej se ishte pjesë e një fushate më të gjerë për të eliminuar kërcënimet strategjike ndaj Izraelit, dhe erdhi pasi IDF-ja shënjestroi bazat ajrore dhe laboratorët shkencorë në Siri, për më shumë klikoni këtu.

Mohamed al Bashir është emëruar kryeministër i përkohshëm i qeverisë kalimtare siriane.

Përmes një deklaratë televizive është njoftuar se al Bashir do të mbajë rolin deri më 1 mars 2025, për më shumë klikoni këtu.

Aeroplanët luftarakë izraelitë thuhet se kanë kryer qindra sulme ajrore në të gjithë Sirinë, duke përfshirë kryeqytetin, Damask.

Observatori Sirian për të Drejtat e Njeriut (SOHR) me bazë në Mbretërinë e Bashkuar, thotë se ka dokumentuar më shumë se 310 sulme nga IDF që nga rënia e regjimit të Asadit të dielën, për më shumë klikoni këtu.

I dërguari i posaçëm i OKB-së për Sirinë, Geir Pedersen, i ka quajtur sulmet izraelit në Siri “një zhvillim shumë shqetësues”.

“Ne po vazhdojmë të shohim lëvizjet dhe bombardimet izraelite në territorin sirian, kjo duhet të ndalet”, tha ai, për më shumë klikoni këtu.

Kancelari gjerman Olaf Scholz dhe presidenti francez Emannuel Macron, janë të përgatitur të punojnë me grupet rebele siriane që rrëzuan presidentin Bashar al-Assad me kushte të caktuara.

Udhëheqësit e dy fuqive më të mëdha të Bashkimit Evropian mirëpritën largimin e Assadit, i cili i kishte shkaktuar “vuajtje të tmerrshme popullit sirian dhe dëme të mëdha në vendin e tij”, për të lexuar më shumë klikoni këtu.

Duke cituar tre burime brenda organeve të sigurisë, Reuters raporton se tanket izraelite janë pozicionuar në afërsi të kryeqytetit sirian – Damask.

Këto burime thonë se inkursioni ushtarak ka arritur tashmë në Qatana, rreth 20 kilometra në jugperëndim të Damaskut, për më shumë klikoni këtu.

Ndërsa hetimet në qendrat e paraburgimit të Asadit vazhdojnë, punonjësit e shpëtimit raportuan mbrëmë se gjetën rreth 40 trupa në një morg spitali, duke treguar shenja torture.

Agjencia e lajmeve AFP shkruan se dëgjoi drejtpërdrejt nga një luftëtar rebel, i cili u tha atyre: “Unë hapa derën e morgut me duart e mia, ishte një pamje e tmerrshme: rreth 40 trupa të grumbulluan duke treguar shenja të torturave të tmerrshme”, për më shumë klikoni këtu.

Deputetët islamikë të linjës së ashpër që mbushin parlamentin iranian, janë të zemëruar me shpejtësinë me të cilën investimi më i madh i Republikës Islamike në rajon ka dështuar.

Irani mbështeti regjimin e Asadit gjatë gjithë luftës civile në Siri, me armë, trupa, naftë dhe para.

Sekretari amerikan i Shtetit, Antony Blinken ka thënë se përmbysja e Bashar al-Assad në Siri është një mundësi e madhe, por është një mundësi që “mbart rrezik të konsiderueshëm” – diçka që Shtetet e Bashkuara “nuk do ta lejojnë të ndodhë”.

Sipas tij Shteti Islamik do të përpiqet të përdorë këtë periudhë për të rivendosur aftësitë në Siri, transmeton Telegrafi.

Ai shtoi se populli sirian duhet të jetë ai që do të zgjedhë të ardhmen e vetë.

Së fundi, Blinken thotë se Uashingtoni ka një interes të qartë për të shmangur “fragmentimin e Sirisë, eksportin e terrorizmit dhe ekstremizmit”.