Sipas një zyrtari të Shtëpisë së Bardhë, Presidenti Donald Trump do të organizojë një iftar javën e ardhshme për t’u njohur me muajin e shenjtë të Ramazanit. Ky vendim vjen pasi vitin e kaluar nuk ishte mbajtur një iftar i tillë.

Iftari është planifikuar të mbahet ditën e mërkurë, por zyrtari i Shtëpisë së Bardhë refuzoi të tregojë listën e pjesëmarrësve.

Shtëpia e Bardhë u përball me kritika vitin e kaluar për neglizhimin e mbajtjes së një iftari, duke thyer me një traditë të gjatë të përqafuar nga presidentët Bill Klinton, Xhorxh U. Bush dhe Barak Obama.

Presidenti Trump ka një marrëdhënie të tensionuar me komunitetin mysliman, pasi gjatë fushatës presidenciale ai bëri thirrje për një ndalim “total dhe të plotë” për të gjithë myslimanet që hyjnë në Shtetet e Bashkuara. Si president, ai ka kufizuar qytetarët nga disa vende me shumicë myslimane për të hyrë në Shtetet e Bashkuara të Amerikës.

Në një njoftim të lëshuar muajin e kaluar duke shënuar fillimin e Ramazanit, Trump tha se “Ramazani na kujton pasurinë fetare që myslimanët i shtojnë jetës amerikane”

Lexo po ashtu Darka e parë e iftarit në Amerikë u mbajt nga Presidenti Xheferson

Kujtojmë se iftari i parë në Shtetet e Bashkuara të Amerikës u zhvillua në shtëpinë e presidentit të tretë, Tomas Xheferson në vitin 1805. /30Ditët/