Rita Sahatçiu Ora (e lindur më 26 nëntor 1990 në Prishtinë) është këngëtare shqiptare me famë botërore.

Ajo është fëmija i dytë i prindërve Besnik dhe Vera Sahatçiu, dhe ka një motër më të madhe, Elenën (menaxhere e saj), dhe një vëlla më të vogël Donin. Familja e saj kanë origjinë nga Peja, të cilët kanë jetuar në Prishtinë dhe më pas kanë emigruar në Londër kur ajo ishte vetëm një vjeçe.

Rita debutoi në tregun ndërkombëtar të muzikës në vitin 2012 me hitin “Hot Right Now” (bashkëpunim me DJ Fresh), i cili e ngjiti atë në majat e klasifikimeve muzikore në Mbretërinë e Bashkuar.

Ajo ka të edituar në treg tri albume shumë të suksesshme: “ORA” në vitin 2012, “Phoenix” në vitin 2018 dhe “YOU & I” në vitin 2023. Disa nga këngët e saj më të njohura janë: “I Will Never Let You Down”, “Let You Love Me”, “Anywhere”, “Your Song”, “RIP”, “Lonely Together” (bashkëpunim me Aviciin) e shumë të tjera.

Rita Ora është fituese e çmimeve të rëndësishme të muzikës si: MTV Video Music Awards, Los40 Music Awards, Bambi Awards, MTV EMA, e të tjera.

Sa i përket jetës private, që nga viti 2022 ajo është martuar me regjisorin e njohur hollivudian me origjinë nga Zelanda e Re, Taika Waititi.