Getoar Aliu, i njohur për publikun si Getinjo është i lindur më 13 qershor të vitit 1990, në Ferizaj.

Getinjo e ka nisur karrierën që në moshë të re, ndërsa sukseset më të mëdha i arriti pasi u bë pjesë e label-it “ON Records”.

Në vitin 2018, ai dhe vëllai i tij, Mozzik, vendosin ta braktisin këtë label, duke vazhduar karrierën e tyre si solo artistë.

Vetëm pak muaj më vonë, ata hapin studion e tyre të re muzikore, të quajtur “2 Euro Music”, teksa të gjitha këngët e tyre dhe tekstet i realizojnë vetë.

Disa nga këngët më të suksesshme të Getinjos janë: “Kaos”, “No”, “Sexy”, “Tony Montana” (Feat. Mozzik), etj.