Këngët dhe temat televizive më të kërkuarat në varrime

Një hulumtim i ri tregon se temat muzikore televizive dhe këngët e muzikës pop aktualisht janë shumë më të popullarizuara sesa himnet tradicionale funerale gjatë varrimeve në Britani të Madhe.

“Abide With Me”, “Amazing Grace” dhe “Jerusalem”, janë lënë në hije nga këngët e Frank Sinatras, Bette Midlerit dhe Robbie Williamsit.

Tema muzikore nga seriali televiziv “Only Fools and Horses”, si edhe telenovelat e tilla si “Coronation Street” dhe “Emmerdale”, janë ndërmjet zgjidhjeve më të shpeshta për ceremonitë e varrimit.

Po ashtu, shumë të kërkuara janë edhe tema muzikore e komikut Benny Hill si edhe “Always Look On The Bright Side of Life”.

Një hulumtim ku janë përcjellë 30.000 ceremoni varrimi, i realizuar vitin e kaluar, ka zbuluar se himnet tradicionale të funeraleve kërkohen vetëm në 35% të varrimeve.

Kënga “My Way” e Frank Sinatras ishte më e popullarizuara, e ndjekur nga “Wind Beneath My Wings” e Bette Midler dhe “Time To Say Goodbye” nga Andrea Bocelli dhe Sarah Brightman.

“You Raise Me Up” nga Westlife dhe “Angels” nga Robbie Williams mbyllin top-dhjetëshin e këngëve të preferuara për funerale.