Live Derby Box: Liverpool - Man Utd
Mbyllet pa fitues derbi i madh mes Liverpool dhe Man Utd
Përditesuar 16/12/2023 23:59
Liverpool dhe Manchester United kanë luajtur baras me rezultat 0-0 në “Anfield”, në kuadër të xhiros së 17-të të Ligës Premier.
“Nuk ndjeva asgjë” – Onana përqesh atmosferën në “Anfield” pas ndeshjes
Portieri i Manchester United, Andre Onana, e ka “përqeshur” atmosferën e famshme në “Anfield”, pasi mbajti portën e pastër ndaj Liverpoolit.
Kjo ishte hera e gjashtë që Onana mban portën e pastër në Ligën Premier, teksa pas 90 minutave rezultati ishte i barabartë 0-0.
Liverpool në fakt kishte dominim absolut në këtë ndeshje, por ishte pikërisht Onana “fajtori” kryesor pse “Të Kuqtë” nuk morën sot tri pikët në këtë sfidë.
Erik ten Hag përmend tri gjëra pozitive dhe një negative nga barazimi me Liverpoolin
Trajneri i Manchester United, Erik Ten Hag ka folur pas barazimit ndaj Liverpool me rezultat 0-0.
Ai u pyet nëse mendon se kishte shumë gjëra pozitive nga Man United, ndërsa vetëm një ishte negative, që kishte të bënte me posedimin e topit.
“Mendoj se performanca ishte shumë e mirë nga ana jonë. Plani i lojës shkoi mirë, lojtarët ishin të shkëlqyeshëm se si u luajtën së bashku dhe si luftuan”.
“E prisja që Man Utd do të luante në mbrojtje, ishte dominim i plotë” – Jurgen Klop flet pas barazimit pa gola ndaj rivalit të përbetuar
Jurgen Klopp ka folur për Sky Sports pas barazimit pa gola ndaj Manchester United në kuadër të javës së 17-të të Ligës Premier.
Ai ka thënë se skuadra e tij bëri shumë gjëra të mira në këtë ndeshje, por mos shënimit i golit i penalizoi.
“Pashë shumë gjëra të mira, e vetmja gjë që nuk më pëlqen është rezultati. Duhet të kishim shënuar”.
Liverpool 0-0 Manchester United, notat e lojtarëve
Liverpool ka luajtur baras me rezultat 0-0 në shtëpi ndaj Manchester United në një sfidë të dominuar plotësisht nga “Të Kuqtë”.
Të besuarit e Klopp patën disa raste të mira shënimi në këtë takim, por që të gjitha u ndalën nga Andre Onana i cili me shumë mundësi sonte pati paraqitjen më të mirë, që prej se iu bashkua “Djajve të Kuq”.
Manchester United nuk arriti të krijojë shumë në këtë përballje, por kishte një rast serioz për të kaluar në avantazh në minutën e 68-të me anë të Rasmus Hojlund.
Mbyllet ndeshja
Liverpool lëshon mundësinë e artë për t’u bërë lider, barazon në shtëpi ndaj Man United
Liverpool dhe Manchester United kanë luajtur baras me rezultat 0-0 në “Anfield”, në kuadër të xhiros së 17-të të Ligës Premier.
45 minutëshi i parë në përgjithësi u karakterizua me një lojë të qetë nga të dyja skuadrat.
Mysafirët mbyllën mjaft mirë hapësirat në fazën e mbrojtjes, ani pse në disa raste ishte i nevojshëm intervenimi i Andre Onanas.
Liverpooli ishte afër të kalonte në avantazh në minutën e 29-të, por goditjen me kokë të Van Dijk e priti Onana.
69’ Mohamed Salah gjuan nga distanca, por Onana me shumë mund mbron.
68’ Alisson bën pritje të madhe pas gjuajtjes së Rasmus Hojlund. Ky ishte rasti më i mirë i Manchester United deri më tani.
Kush është Willy Kambwala? – Talenti francez ne bankën rezervë të Man United në sfidën ndaj Liverpoolit
Liverpool dhe Manchester United janë duke luajtur në “Anfield” ndeshjen e vlefshme për javën e 17-të në Ligën Premier.
Kjo është hera e parë që United viziton “Anfield” që prej humbjes turpëruese me rezultat 7-0 sezonin e kaluar.
Liverpool janë momentalisht dhjetë pikë para Unitedit të cilët jo shumë kohë më parë u eliminuan nga Liga e Kampionëve.
46′ Fillon pjesa e dytë e takimit
Liverpool – Manchester United, mbyllet pa fitues pjesa e parë
Ka përfunduar me rezultat të barabartë 0-0 pjesa e parë mes dy rivalëve të vjetër Liverpool dhe Manchester United.
Kjo ndeshje që po zhvillohet në “Anfield” është e vlefshme për javën e 17-të në Ligën Premier.
45 minutëshi i parë në përgjithësi u karakterizua me një lojë të qetë nga të dyja skuadrat.
Mbyllet pjesa e parë
28′ Rast shumë i mirë për Liverpool. Van Dijk gjuan me kokë, pret Onana.
Nis ndeshja
Formacionet zyrtare, Liverpool – Man Utd: Klopp dhe Ten Hag duan fitore
Liverpool dhe Manchester United përballen në kuadër të javës së 17-të në Ligën Premier.
Në pesë ndeshjet e fundit, Liverpooli ka katër fitore dhe një barazim, ndërsa Manchester United ka tri fitore dhe dy humbje.
Liverpooli është në pozitën e parë në tabelë me 37 pikë, ndërkaq Manchester United ka dhjetë më pak dhe mban pozitën e shtatë.
Formacioni më i mirë i kombinuar i Liverpool dhe Man United, sipas vlerave të lojtarëve
Në formacionin më të mirë të kombinuar mes Liverpool dhe Manchester United të krijuar nga Football Transfers, “Të Kuqtë” kanë dominim të plotë me tetë lojtarë, ku lojtari më i vlerësuar është Dominik Szoboszlai me 65.8 milionë euro ndërsa pas tij vijnë Mo Salah (57.5 milionë), Alexander-Arnold (57.1 milionë), Alisson (54.2 milionë), Cody Gakpo (49.1 milionë), Gravenberch (45.9 milionë), Konate (29.4 milionë) dhe Van Dijk (26.6 milionë).
Ndërkohë, Manchester United përfaqësohet me tre lojtarë në këtë formacion, me Hojlund kartoni i të cilit vlerësohet rreth 62.2 milionë euro dhe pas tij Rashford (53.6 milionë) dhe Shaw (27.4 milionë).
Ten Hag konfirmon se Rashford mund të luaj ndaj Liverpoolit, por jo edhe Maguire
Liverpool dhe Manchester United do të përballen sot në derbin e javës në Ligën Premier, me Djajtë e Kuq që kanë shumë mungesa.
Kur u pyet për një përditësim mbi dëmtimet e fundit përpara ndeshjes me Liverpool, Erik ten Hag foli për mungesat që ka. Lajmi i plotë
Këto janë 12 statistikat që duhet të dini para sfidës mes Liverpoolit dhe Man United
Dy rivalët e vjetër anglez, Liverpool dhe Manchester United do të takohen në “Anfield” për të zhvilluar ndeshjen e cila është e vlefshme për xhiron e 17-të të elitës së futbollit anglez.
Në pesë ndeshjet e fundit, Liverpooli ka katër fitore dhe një barazim, ndërsa Manchester United ka tri fitore dhe dy humbje.
Liverpooli është në pozitën e parë në tabelë me 37 pikë, ndërkaq Manchester United ka dhjetë më pak dhe mban pozitën e shtatë.
Klopp paralajmëron Liverpoolin para sfidës me Man United: 7-0 ishte një rezultat i çuditshëm
Jurgen Klopp ka insistuar se kritikët e Manchester United janë gabim kur mendojnë se ata nuk kanë ndonjë shans ndaj Liverpoolit nesër (e diel) në “Anfield.
Ekipi i Ten Hag është duke kaluar në një periudhë të vështirë, pasi u mposhtën në shtëpi me rezultat 3-0 nga Bournemouth dhe u eliminuan nga Liga e Kampionëve pas humbjes ndaj Bayernit.
Lideri i Ligës Premier, Liverpooli, që kanë dhjetë pikë më shumë se United, kishin fituar me rezultat të thellë 7-0 kur u takuan herën e fundit në muajin mars, por Klopp beson se ai rezultat i “çuditshëm” nuk do t’i ndihmojë ata këtë vikend.
Ten Hag: Kam mbështetjen e klubit, nuk i frikësohemi Liverpoolit edhe pse na mposhtën 7-0
Erik ten Hag insistoi në konferencën për shtyp para ndeshjes me Liverpoolin se nuk i druhet shkarkimit, pasi sipas tij gëzon mbështetjen e plotë te Mancester United.
E ardhmja e holandezit është vënë shpesh në diskutim në këtë sezon, pasi Djajtë e Kuq kanë humbur 12 nga 24 ndeshjet që kanë zhvilluar në të gjitha garat.
Promo
Reklamo këtu
Nga Fafa Resort
Nga Happy Chicken
Nga E Bukura e Dheut
Nga Telegrafi Jobs
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Arsenali e do sulmuesin e Barcelonës dhe është gati të ofrojë 50 milionë euro
Vuçiq sërish flet për pretendimet e "Slobodna Bosna", se Serbia po financon media në Kosovë
Preteni: Ushtarët e UÇK-së kanë qenë të lidhur për 48 orë nga KFOR-i francez
Kush qëndron pas sabotimit të rrjetit hekurudhor të Francës?
Cani: Lajm i keq për shtetasit e Kosovës që duan të punojnë në Gjermani
Pesë numrat e fanellave që Barcelona mund t'i ofrojë Nico Williams, duke përfshirë numrin 10