Pamje që tregojnë se çfarë lanë pas amerikanët, pasi u larguan nga baza e tyre në Afganistan

Ushtria amerikane njoftoi të martën se pothuajse ka përfunduar tërheqjen e trupave të saj nga Afganistani, ku autoritetet afgane kanë vendosur qindra trupa pro-qeveritare dhe polici për të ndaluar një ofensivë të madhe të talibanëve në veri të vendit.

Ndryshe, presidenti i SHBA-së, Joe Biden njoftoi në prill se ai dëshironte të përfundonte atë tërheqje deri në 20 vjetorin e 11 shtatorit.

Dhe më shumë se dy muaj para këtij afati, ushtria amerikane kishte kryer një tërheqje prej “më shumë se 90 për qind” nga vendi, përcjell Telegrafi.

Lexo po ashtu Sa kushtoi lufta në Afganistan? Të dhëna – në numra - rreth luftës më të gjatë të zhvilluar ndonjëherë nga SHBA

Në këtë drejtim, javën e kaluar, forcat amerikane dhe NATO u larguan nga Baza Ajrore Bagram, më e madhja në Afganistan.

Lexo po ashtu Largohet ushtria amerikane, trupat afgane dorëzojnë armët - gjenerali amerikan i shokuar nga sa shpejt ata janë dorëzuar te talibanët

Ajo ndodhet 50 kilometra në veri të Kabulit dhe ka qenë qendra e operacioneve të tyre që nga fillimi i ndërhyrjes ushtarake të nisur pas sulmeve të 11 shtatorit 2001.

Shtëpia e Bardhë specifikoi të premten se trupat e fundit të SHBA do të largohen nga territori Afganistan deri në fund të gushtit.

Pas largimit të forcave amerikane raportohet se janë zhvilluar përplasje të martën në disa provinca afgane dhe kryengritësit kanë pushtuar dhjetëra qarqe në veri të vendit që kur Shtetet e Bashkuara filluan tërheqjen e trupave të tyre në maj.

Dhe shpejtësia dhe lehtësia me të cilën rebelët pushtuan ato krahina u dhanë një goditje të rëndë autoriteteve afgane.

Lidhur me këtë, Franca të martën shprehu “shqetësim të thellë mbi situatën dhe pasojat për stabilitetin e rajonit”.

Një reagim ka ardhur edhe nga gjenerali Austin Scott Miller, komandant i trupave amerikane dhe të NATO-s në Afganistan, i cili ka thënë se është i tronditur nga sa shpejt Ushtria Kombëtare Afgane ishte dorëzuar te talibanët.

Ndërkohë janë publikuar disa pamje të cilat thuhet se tregojnë gjendjen brenda bazës ajrore të Bagramit të Afganistanit pas largimit të forcave amerikane. /Telegrafi/