Paris Saint-Germain

I njohur më shpesh si PSG, klubi kryeqytetas ka fituar tetë tituj të Ligue 1, 12 Kupa të Francës dhe rekord prej tetë Kupash të Ligës. Po ashtu, ka fituar nëntë Trofe të Kampionëve dhe një titull të Ligue 2. Në Evropë e ka fituar ‘UEFA Cup Winners’ Cup’ dhe një Kupë Intertoto.

Në fund të viteve të gjashtëdhjeta, një grup biznesmenësh ambiciozë vendosën të krijonin një klub të madh në kryeqytetin francez. Klubi futbollistik Paris Saint-Germain u krijua më 12 gusht 1970.

Klubi menjëherë filloi të kishte ndikim, si në fushë ashtu edhe në krijimin e një numri të madh të tifozëve, të cilët krijuan bazën e tyre. Pasi e fitoi titullin e Ligue 2, u inkuadrua në Ligue 1, ku edhe e festoi përvjetorin e themelimit.

Mirëpo, në vitin 1972 ndodhi ndarja e Paris FC dhe PSG, me ç’rast klubi i parë mbeti në Ligue 1, ndërsa PSG shkoi në Division 3. Mirëpo, pas dy sezonesh u rikthye në elitën e futbollit dhe filloi të luante në Parc des Princes nga viti 1974.

TROFETË kryesore

Vendore

Ligue 1 (8): 1985–86, 1993–94, 2012–13, 2013–14, 2014–15, 2015–16, 2017–18, 2018–19.

Ligue 2 (1): 1970–71

Coupe de France (12): 1981–82, 1982–83, 1992–93, 1994–95, 1997–98, 2003–04, 2005–06, 2009–10, 2014–15, 2015–16, 2016–17, 2017–18.

Coupe de la Ligue (8): 1994–95, 1997–98, 2007–08, 2013–14, 2014–15, 2015–16, 2016–17, 2017–18.

Superkupa e Francës (7): 1995-96, 1998-99, 2013-14, 2014-15, 2015-16, 2016-17, 2017-18.

Trophee des Champions (9): 1995, 1998, 2013, 2014, 2015, 2016, 2017, 2018, 2019.

Evropiane

UEFA Cup Winners’ Cup(1): 1995–96.

UEFA Intertoto Cup (1): 2001.

Rivaliteti

‘Le Classique’, i njohur po ashtu edhe si Derby de France, është një ndeshje futbollistike ndërmjet Paris Saint-Germainit dhe Olympique de Marseille. Për dallim nga shumë derbi, Le Classique është duel i dy klubeve që vijnë nga dy qytetet më të mëdha franceze dhe ka të bëjë me shoqërinë dhe stilin e Parisit me atë të Marseille. Këto janë dy klubet e vetme franceze që kanë fituar në Evropë dhe kanë qenë forca dominuese, para se të merrte primatin Olympique Lyonnais për disa vite, kurse pastaj u rikthye PSG.

Nofkat

Les Rouge-et-Bleu (Kuq e Blutë)

Les Parisiens (Parisienët)

Stadiumet

Stade Municipal Georges Lefevre është një kompleks sportiv i vendosur në Camp des Loges që është qendra stërvitore e PSG-së. Pos ndeshjeve stërvitore, aty zhvillohen edhe takimet e të rinjve nga Akademia e klubit. Më herët ka qenë shtëpia e tash klubit joekzistent Stade Saint-Germain. Pas rikthimit në elitë (në vitin 1974), Parisi u vendos në Parc des Princes.

Rekordi mesatar i publikut në stadiumin e PSG-së është regjistruar gjatë sezonit 2013/2014, 45.420 spektatorë për ndeshje. Ndërsa rekordi i vizitorëve është regjistruar në vitin 1983, 49.407 spektatorë.