Puna, familja, jeta duket se na merr shumë energji përgjatë gjithë vitit, dhe ky fakt evidentohet dukshëm tek kategori të caktuara individësh. Andaj, festat vijnë si një bekim për të gjithë ne, duke na çliruar nga ngarkesat dhe rutina e përditshmërisë.
Të marrësh pushimet nuk do të thotë thjesht të nisesh për diku, në një destinacion larg shtëpisë, të zhvendosesh thjesht me dëshirën për t’ju larguar përditshmërisë, duke i dhënë vetes impulsin se je duke bërë diçka ndryshe nga rutina.
Shumë njerëz duan t’i përkushtohen sa më shumë vetes. Është koha kur zgjedhim të bëjmë atë që dëshirojmë pa u ndikuar nga propozimet e të tjerëve, se ku të shkojmë, çfarë plani ditor të realizojmë. Jemi të lirë për gjithçka.
Shpesh, një organizim i tillë i ditëve të pushimit na qartëson imazhin tonë për veten. Një eksperiencë e tillë na bën më të sigurt dhe me një vetëvlerësim më të lartë. Bëhemi më të përgjegjshëm ndaj preferencave dhe interesave tona.
Kemi kohën e mjaftueshme për të gjykuar mbi jetën dhe rolin tonë në të gjitha aspekt qoftë si njeri, partner, nënë, baba, koleg ose mik. Një lloj bilanci mbi marrëdhënien tonë me të tjerët. Ndodh pikërisht atëherë, kur jemi vetëm, duke menduar e gjykuar mbi sjelljet tona.
Të jetosh disa ditë pushime pa praninë e të tjerëve është një udhëtim i sigurt drejt njohjes më të sinqertë të vetes. Dhe fundi i vitit, është sipari i të tilla rrugëtimeve që kanë vetëm një qëllim: relaksin e plotë të çdo shqise tënden, larg shqetësimeve dhe problematikave që mund të të kenë gricur njëfarësoj mendjen përgjatë harkut kohor të një viti të plotë.
Festat e “Krishtlindjeve” apo “Vitit të Ri”, kanë në vetvete magjinë e plotë për t’i shijuar sipas dëshirës individuale, ose në grup, me partnerin, por pse jo edhe me familjen. Është koha për më shumë kujdes ndaj vetes dhe njerëzve tanë më të shtrenjtë.
Është bukur të mendosh se sa shumë çifte të dashuruara zgjedhin të jenë vetëm me njëri-tjetrin gjatë pushimeve. Gjatë këtyre ditëve partnerët kanë kohën e bollshme për t’iu përkushtuar marrëdhënies.
Jeta e përditshme zbeh emocionet tona, na largon fizikisht e në shumë raste grindjet janë pjesë të pandara të ekzistencës së përditshmërisë sonë. Pikërisht ato pak ditë të lira gjatë vitit, janë në shërbim të çiftit. Momenti ideal për të rizgjuar pasionin dhe dëshirën për njëri-tjetrin.
Koha e pushimeve na bën më të ëmbël, më të qetë e më romantik. Truri ynë është më i lirë dhe i çlodhur. Fillojmë të jemi dëgjues të mirë e komunikimi bëhet pjesë e atyre ditëve pushimi.
Sa herë partnerët ankohen për kohën e pakët që kalojnë së bashku e duket sikur nuk janë pjesë e shqetësimeve të përditshme të njëri tjetrit. Mund ta konsiderojmë periudhën e pushimeve si një terapi të domosdoshme për marrëdhëniet dashurisë.
Jemi komunikues e zbulues të partnerit. Fundjavat e organizuara së bashku janë gjithashtu të shëndetshme dhe një mënyrë për të qenë sa më pranë dialogut, çlodhjes duke e nxitur gjithnjë e më shumë ndjenjën e dashurisë.
Në këtë kontekst arrijmë në përfundimin se, varësisht nga mënyra se si zgjedhim të shkojmë me pushime, vetëm, me familjen, partnerin ose në shoqëri të mirë të një grupi miqsh, mund të zbulojmë tipare të vetes dhe të qartësohemi mbi imazhin tonë përballë të tjerëve. /Telegrafi/
Lufta Prigozhin - Putin
Më shumëA e keni ditur se për çfarë shërben pjesa metalike në letrën e sallamit, kjo video po bën xhiron në internet
Pse trajneri Arbër Peci këshillon të mos vrapojmë?
Nëse dëshironi lumturi, motivim dhe paqe të mendjes, ndiqni këto këshilla
Thënie të mençura nga Gabriel Garcia Marquez, të cilat ju mbushin plot shpresë
Gjithçka që nuk dinit për nepërkën: Ku dhe si jetojnë dhe si t'i njohim
Harrojini bisedat e pista! Shprehjet e fytyrës janë më efektive për të përcjellë atë që dëshironi gjatë seksit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur