Majku publikon dhe më pas fshin videon e Xhensilës në Instagram

Reperi i njohur Majk ka vendosur të ndajë me ndjekësit e tij në Instagram një video të këngëtares Xhensila Myrtezaj, duke e shfaqur atë në një moment të veçantë ku dukej duke kërcyer në mënyrë sensuale.

Videoja, e cila u publikua në seksionin “Instastory” të platformës, tërhoqi menjëherë vëmendjen e shumë fansave.

Sidoqoftë, Majk ka marrë vendimin për ta fshirë atë postim. Fshirja e shpejtë e videos shton mister dhe krijon shumë pikëpyetje në lidhje me raportin mes dy artistëve të njohur në skenën muzikore shqiptare.

Majk dhe Xhensila kanë bashkëpunuar më parë në projektin muzikor me titull “Ti fala”, një këngë që ka arritur të grumbullojë rreth 9 milionë klikime në YouTube, duke u kthyer në një hit të pëlqyer nga publiku.

Ndërkohë, Xhensila Myrtezaj ka qenë gjithashtu një figurë shumë e përfolur në mediat rozë, veçanërisht pas ndarjes nga aktori dhe komediani i njohur Bes Kallaku.

Kjo ndarje e ka vendosur atë nën vëzhgimin e vazhdueshëm të mediave dhe ka nxitur spekulime të ndryshme rreth jetës së saj personale. /Telegrafi/