Solskjaer kritikon Man Utd për Kane dhe tregon katër yjet që ai iu lut klubit të nënshkruante gjatë kohës së tij

Ole Gunnar Solskjaer ka zbuluar në një intervistë të re se ai iu lut Manchester Unitedit për të nënshkruar me pesë lojtarë të mëdhenj përpara se ai të shkarkohej nga pozita e tij.

Trajneri norvegjez u shkarkua pas një humbjeje 4-1 jashtë fushe ndaj Ëatford në nëntor 2021 pas një fillimi të sezonit që i pa ata të humbin pesë nga shtatë ndeshjet e tyre të para.

Në një intervistë për The Athletic, Solskjaer foli për gjithçka që shkoi keq gjatë kohës së tij, duke përfshirë taktikat, nënshkrimet dhe pronësinë e klubit. Por, edhe për një fushë ku ai mendon se nuk u mbështet ishte te transferimet.

Solskjaer tha se ai identifikoi një numër yjesh me potencial që Unitedi nuk arriti t’i nënshkruante gjatë kohës së tij në Old Trafford.

“Erling Haaland, përpara se të bënte debutimin e tij në Salzburg. Declan Rice, i cili nuk do të kishte kushtuar aq sa kushtoi në verë”, ka thënë fillimisht Solskjaer.

“Ne diskutuam për Moises Caicedo, por ndjemë se kishim nevojë për lojtarë të gatshëm”.

“Brighton është shumë i mirë për të lejuar lojtarët të vijnë nga jashtë dhe të gjejnë formën për një vit e gjysmë. Tek United, ju nuk e keni atë luks dhe kjo i ka kushtuar klubit shumë lojtarë”.

Ai gjithashtu shpjegoi se si i kishte kërkuar bordit të United të nënshkruante edhe me Jude Bellingham.

“Ne e donim shumë Jude Bellingham – ai është një lojtar për United, por unë e respektoj që ai zgjodhi Dortmundin. Kjo ndoshta ishte e arsyeshme. Por kjo është arsyeja pse unë respektoj Aaron Wan-Bissaka dhe Dan James dhe Jadon Sancho”.

“Lojtarët e rinj u përgatitën për të hyrë në një ekip që nuk ishte 100 për qind, ashtu siç ishte kur erdha unë”.

Ai gjithashtu shpjegoi se si do të kishte bërë maksimumin për të nënshkruar me Harry Kane këtë verë, nëse ai do të ishte ende trajner i United.

“Unë do të kisha nënshkruar me Kane çdo ditë të javës dhe mirëkuptimi im ishte se ai donte të vinte”.

“Por, klubi nuk kishte buxhet me kufizimet financiare nga Covid-19, nuk kishte asnjë gropë pa fund”, përfundoi norvegjezi. /Telegrafi/