Informatori Ice Universe thotë se Samsung Galaxy Flip5 të ketë ekran të jashtëm shumë më të madh ndërsa Fold5 do ta heqë zbrazëtirën në mes të ekranit

Me lansimin e serisë Samsung Galaxy S23 tashmë në pasqyrën e pamjes së pasme, ne mund të kalojmë në lançimin tjetër të madh të Samsung të vitit – gjeneratat e ardhshme Galaxy Z Fold dhe Z Flip.

Informatori i besueshëm IceUniverse ndau disa detaje paraprake të specifikave për pajisjet e ardhshme të palosshme. Lajmi i madh për Z Flip5 është ekrani që do të jetë më i madh, dhe i cili thuhet se do të vijë me diagonale prej 3.4 inç.

Nëse është e vërtetë, në fakt do të jetë më i madh se paneli 3.26 inç i Oppo N2 Flip dhe do të mburret me një raport të supozuar të pamjes me 1:1.038 – një katror pothuajse i përsosur. Ekrani i brendshëm thuhet se do të ketë korniza më të ngushta dhe do të adoptojë një menteshë të re në stilin e pikave të ujit për të ndihmuar në fshehjen e vijave, shkruan GSM Arena, transmeton Telegrafi.

Duke kaluar te Galaxy Z Fold5, marrim një konfirmim të ri se ai do të ruajë ekranin e kapakut me madhësi prej 6.2 inç nga paraardhësi i tij. Pajisja do të jetë me 0.2mm më e ngushtë se paraardhësi i saj, por do të përdorë gjithashtu një menteshë në stilin e pikave si Z Flip5 për të ndihmuar në fshehjen e vijave dhe eliminimin e boshllëkut kur telefoni mbyllet.

Fold5 do të jetë më i hollë se paraardhësi i tij me 13.x mm kur paloset, krahasuar me 15.8 mm në Z Fold4. Do të jetë gjithashtu një pajisje më e lehtë, pasi ka peshë prej 254 gram.

Të dy pajisjet e ardhshme të palosshme do të pajisen me çipin Snapdragon 8 Gen2 për Galaxy dhe do të ketë certifikatën IPX8 për mbrojtje nga uji. /Telegrafi/