Putini shfaqet me një shenjë të errët të pashpjegueshme në ballin e tij gjatë paraqitjes së fundit

Presidenti rus Vladimir Putin është shfaqur me një shenjë të errët dhe të pashpjegueshme në ballin e tij gjatë paraqitjes së tij të fundit në përvjetorin e parë të aneksimit të katër rajoneve ukrainase Kherson, Zaporizhzhia, Donetsk dhe Luhansk.

Spekulime lidhur me shëndetin e tij ka pasur prej kur ka filluar lufta në Ukrainë, por deri më tani nuk ka pasur asnjë konfirmim zyrtar nga Kremlini, transmeton Telegrafi.

Presidenti rus, i cili mbush 71 vjet javën e ardhshme shpalli 30 shtatorin “Ditën e Ribashkimit”, një vit kur Moska aneksoi rajonet ukrainase, transmeton Telegrafi.

Putin ka këmbëngulur se banorët e këtyre katër rajoneve “kishin bërë zgjedhjen e tyre – të jenë me Rusinë”, duke shtuar se aneksimi ishte bërë në përputhje të plotë me normat ndërkombëtare.

Ai pohoi gjithashtu se banorët e rajoneve Donetsk, Luhansk, Zaporizhzhia dhe Kherson kishin shprehur sërish dëshirën e tyre për të qenë pjesë e Rusisë në zgjedhjet lokale në fillim të këtij muaji, në të cilat Komisioni Qendror i Zgjedhjeve i Rusisë tha se partia në pushtet e vendit fitoi më shumë vota. /Telegrafi/