Personat LGBTQI+ kanë kërkuar të drejta të barabarta sikurse të gjithë qytetarët e tjerë në Kosovë, duke përmendur edhe kalimin e Kodit Civil në Parlament.
Këto kërkesa u artikuluan në ceremoninë e hapjes zyrtare të Javës së Krenarisë që u mbajt në ndërtesën qeveritare.
Presidentja Vjosa Osmani deklaroi se kjo kohë është periudha më e mirë për të adresuar të gjitha sfidat që ballafaqohen personat LGBTQI+.
“Përgjatë viteve Kosova ka bërë përparime në avancimin e të drejtave të personave LGBTQI+, këto përparime në fakt janë të rrënjosura në kushtetutën tonë ndër të vetmet në botë që përqafon diversitetin si forcë jo vetëm të shoqërisë por edhe të vet shtetit, ku gjithsecili ka hapësirë që të gëzojë të drejta të barabarta, të zhveshur nga frika dhe diskriminimi. Gjithsesi, në këtë rrugë drejt barazimit të plotë kemi ende shumë e shumë për të bërë. Personat LGBTQI+ janë pa diskutim ende shënjestër e dhunës, diskriminimi e stigmatizimi të cilat vazhdojnë të mbesin pengesë për të arritur qëllimin tonë të përbashkët ndërtimin e një shoqërie më të barabartë e më të drejtë për të gjithë”, deklaroi Osmani.
Në fjalën e tij, kryeministri Albin Kurti deklaroi se dashuria ka qenë forcë fuqizuese dhe bashkuese edhe në ngjarje më të rëndësishëm të popullit të Kosovës, duke shtuar se në zemrën e popullit është respekti për të gjithë individët pa dallim përkatësie seksuale.
“Unë ju përgëzoj që Java e Krenarisë është e përqendruar te dashuria. Mendoj që më shumë se kaq dhe më mirë se kaq nuk ka qenë e mundur. Duke u thirrur në frymën e ngazëllimit, duhet të kuptojmë me modesti se në zemrën e popullit tonë të dashur gjendet besimi ynë se gjithë individët meritojnë respekt dhe të drejta të plota të njeriut, pavarësisht nga raca, feja, etnia, identifikimi gjinor apo orientimi seksual. Për të ruajtur ato liritë që i çmojmë, duhet të vendosim një themel të bazuar fort në etikën e dashurisë dhe dhembshurisë në mënyrë që tragjeditë e së kaluarës të mos bëhen motiv i përsëritur në kronikat e historisë sonë”, tha Kurti.
Më i ashpër e i drejtpërdrejt në fjalën e tij ishte drejtori ekzekutiv i Qendrës për Liri dhe Barazi, Blert Morina, që tha se shteti duhet të punojë më shumë për të siguruar të drejta për të barabarta për të gjithë qytetarët e Republikës.
Duke kujtuar debatin për Kodin Civil, i cili nuk ka kaluar në Kuvendin e Kosovës, Morina deklaroi se janë fyer nga deputetë që e kundërshtojnë kodin.
“Na thanë e çka s’na thanë se ne shkatërrojmë familjet, se ne jemi kundër traditave, se ne jemi të sëmurë, se ne jemi kërcënim për moralin e shëndetin publik, se ne nuk mund të rrisim fëmijë, ose nëse rrisim fëmijë, do rrisim fëmijë që nuk bëjnë. Po të mos ishte tragjike absurditeti dhe niveli i smirës dhe urrejtjes që u shfaqen në Parlament, do të ishin qesharake, ndoshta një ditë edhe do të qeshim që mundësinë tonë për të dashur e shohin si kërcënim të shëndetit publik, ama sot nuk po na qeshet”, tha Morina.
Ambasadori i Shteteve të Bashkuara të Amerikës (SHBA), Jeff Hovenier, i cili mori pjesë në cermeoni, deklaroi se inkurajojnë Kosovën që të vazhdojë përpjekjet për të siguruar mbrojtje ligjore, mbrojtje shoqërore për të gjitha grupet e nënpërfaqësuara, përfshirë komunitetin LGBTQI+.
“Ne jemi thellësisht të impresionuar nga qëndrueshmëria e komunitetit LGBTQI+ këtu në Kosovë, të cilët vazhdojnë të luftojnë për të jetuar jetën e tyre autentike, për të jetuar gjithashtu në liri, të cilët përballen me diskriminimin, margjinalizimin dhe sigurinë, e megjithatë vazhdojnë ditë pas dite të ngrihen me guxim për këtë të vërtetë, sepse të drejtat e komunitetit LGBTQI+ janë të drejta të njeriut”, tha Hovenier.
Java e Krenarisë në Kosovë do të shënohet me aktivitete të shumta.
Promo
Reklamo këtuLufta Prigozhin - Putin
Më shumëPolicia e Kosovës gjen kamera në rrugët malore në kufirin Kosovë-Serbi
Tragjedia në Shkodër, prokuroria zbulon mesazhet ofenduese dhe tradhtinë në celularin e bashkëshortit të Alma Arrazit
FSK trajnohet për automjetet luftarake Vuran
Pas tre fëmijëve, gjendet edhe trupi i pajetë i Alma Arrazit në ujërat e Bunës
Mbi 1 milion qytetarë të regjistruar deri më tani në Kosovë
Gjendet trupi i fëmijës së tretë të mbytur në Lumin Bunë, vazhdojnë kërkimet për Alma Arrazin
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"Dhëmbët, flokët e veshët" - Gani Gërmia me ndryshime drastike në pamje
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Blero flet për takimin me Afronën: Kur e pashë atë duke qarë, më doli loti - edhe burrat qajnë
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Tre sulmuesit që Xavi i do për të përforcuar sulmin e Barcelonës këtë verë
Luiz Ejlli thyen heshtjen, flet për padrejtësitë në Big Brother: Më përdorën familjen, por çmimin e madh e fitova në momentin që më tha Kiara 'PO'