Njerëz me maska e mbështetës të Putinit sulmojnë protestuesit në Beograd

Ashtu sikurse në komunat veriore të Kosovës, njerëz të veshur me maska dhe me fanella me shkronjën “Z” janë shfaqur në Beograd.

Anëtarët e “Patrullës së Popullit” sulmuan disa njerëz që morën pjesë në protestën, “Serbia kundër dhunës” dhe goditën reporterin e mediumit N1 që raportonte nga vendi i ngjarjes.

Lexo po ashtu Protestë masive në Beograd - aktorë, studentë dhe qytetarë: Vuçiq ik

Së pari, një burrë u ndoq nga një grup para Kuvendit të Serbisë dhe një i ri i maskuar e goditi me një send në fytyrë.

Pripadnici "Narodnih patrola" napali su jednog čoveka na protestu "Srbija protiv nasilja" i terali reportera N1 @_savatovic koji izveštava sa događaja. Prema njegovim rečima, situacija se nakon incidenta smirila. pic.twitter.com/1P8jEY5Sf7

— TV N1 Beograd (@n1srbija) June 3, 2023

Pas kësaj, njëri nga ta ka ndjekur reporterin e N1 që raportonte gjatë incidentit.

Sipas gazetarit N1, në mesin e sulmuesve ishin edhe anëtarët e Patrullës Popullore, Damnjan Knezheviq dhe Ilija Vuksanoviq, të cilët gjatë protestave të mëparshme sulmuan edhe liderin e “Kreni-Promeni”, Savo Manojloviq.

Ata me vete kishin edhe pankarta të lidhura me presidentin e Rusisë, Vladimir Putin dhe shkronjën “Z”, simbol i pushtimit rus të Ukrainës.

Njerëz që bartnin fanella me shkronjën “Z” dhe me maska në fytyrë, kujtojmë se ditë më parë kanë sulmuar në Zveçan pjesëtarë të KFOR-it, ku kanë lënduar 25 prej tyre. /Telegrafi/