Amerikani ia kthen librin e huazuar bibliotekës 96 vjet pas datës së caktuar: Asnjëherë nuk është vonë

Më mirë vonë se kurrë. Një burrë nga Kalifornia ktheu librin në bibliotekë një shekull pas datës së caktuar.

Jim Perry dërgoi në fillim të këtij muaji kopjen e dëmtuar të vitit 1892 të librit, “A Family History of the United States” në Bibliotekën Publike të Shën Helenas, afërsisht 30 kilometra në perëndim të Santa Rosas.

“Ky është një libër i vjetër që ka qenë në familjen tonë për pesë breza”, tha Perry, duke supozuar se biblioteka do të ishte e interesuar ta mbante një relike të historisë, raporton nypost.

Rezulton se libri i historianit, Benson Lossing ka të ngjarë të jetë pjesë e koleksionit origjinal të Bibliotekës së Shën Helenit dhe mund të ketë qenë pjesë e inventarit në një vend tjetër të mëparshëm – në ndërtesën Carnegie, e cila u ndërtua në vitin 1908.

View this post on Instagram

A post shared by St. Helena Public Library (@sthelenapubliclibrary)

Libri shkollor – i cili i paraprin filmit, aeroplanëve dhe autostradave – ishte kontrolluar nga dikush në familjen e gruas së Perryt në vitin 1927, zbuloi biblioteka.

Pasi bëri disa gërmime, Perry mendoi se ndoshta ishte huazuar nga gjyshi i gruas së tij, John McCormick.

“Kjo është më e vjetra që kam parë ndonjëherë, padyshim”, tha Chris Kreiden, drejtori i bibliotekës. “Dua të them se ne kemi pasur gjëra [të kontrolluara] për dy ose tre vjet, ndoshta pesë, por kurrë diçka kaq të gjatë”, pohoi ai.

Për fat të mirë të Perryt, Biblioteka Publike e Shën Helenit hoqi në vitin 2019 vendimin për ndëshkimin e personave që nuk kthejnë me kohë librat e huazuar – që do të thotë se ai nuk do t’i detyrohet të paguajë dënimin prej 1700 dollarësh që e trashëgoi nga gjyshi i tij. /Telegrafi/