Përmes një komunikate për media organizatorët e mbrëmjes bamirëse “Shpëto Jetë”, kanë njoftuar se gjatë kësaj mbrëmje janë mbledhur 23,000 mijë franga zvicerane.
Këto mjete sipas tyre janë mbledhur me qëllimin e ngritjes së fondeve të cilat do të destinohen për blerjen e pajisjeve mjekësore dhe medikamenteve për nënat dhe fëmijët në Kosovë.
Në këtë mbrëmje bamirëse e cila u shoqërua me darkë dhe muzikë nga bendi i njohur nga Kosova “Don’t listen to your neighbors”, ishin të pranishëm shumë personalitete të shquara nga fusha e shëndetësisë, artit dhe përfaqësues të kompanive dhe bizneseve të ndryshme shqiptare të cilët dhanë kontributin e tyre duke dhuruar fonde për të ndihmuar dhe mbështetur programet e AMC-së.
Drejtori Ekzekutiv i AMC-së Vlorian Molliqaj, falënderoi të pranishmit për mbështetjen e vazhdueshme dhe foli për rolin e mërgatës në ndryshime rrënjësore përmes filantropisë, duke u fokusuar në sistemin shëndetësor në vend. “Ne në AMC besojmë që duhet zgjidhur problemin në rrënjë. Ne besojmë që duhet ta forcojmë sistemin shëndetësor. Sepse me një sistem shëndetësor ku nuk mungojnë pajisjet mjekësore e barnat esenciale, e ku kapacitetet e punonjësve shëndetësor ngritën vazhdimisht, do të mund të trajtohet secili fëmijë e secila grua. Pavarësisht kushteve ekonomike e sociale. Pavarësisht se a jeton në fshat apo ne qytet.” u shpreh Molliqaj në fjalën e tij.
Prof. Dr. Omer Dzemali, në një fjalim rasti foli për angazhimin e AMC-së duke çmuar lartë punën e palodhshme dhe duke bërë thirrje që sa më shumë të ndihmohet misioni i AMC-së.
Ngjarja bamirëse “Shpëto Jetë” edicioni i 4-të, e cila u mbajt në qytetin e bukur të Cyrihut, nuk do të ishte e mundur pa sponzorët të cilët na mbështetën për realizimin e kësaj ngjarje: Lika Group Ag – Sponzor i artë, Sëiss Management – Sponzor i Artë, Neumarktpraxis – Sponzor i Bronztë, Reci IT Solution – Sponzor i Bronztë, Aeg Montage – Sponzor i Bronztë, Rromir Imami (rrimphoto) Sponzor i Argjendtë, Milky Ëay Creative – Sponzori Arg, Aubrey Restaurant – Sponzor i Bronztë, Eurokoha Sponzor i Bronztë, si dhe plartforma shqiptare në Zvicër Albinfo.ch të cilët na mbështetën si Sponzor Medial.
Pjesë e ngjarjes bamirëse ishte edhe një ankand i qetë me punime të dhuruara nga artistët shqiptarë si: aksesorë nga Arlinda Zylalli, Rromir Imami (rrimphoto), punime argjile nga Dhe by Granita, aksesorë nga Luan Kotori, aksesorë nga Adelina Veseli, dhe fustana nga dizajnerët Fjolla Nila, Valdrin Sahiti dhe Blerina Kllokoqi Rugova.
Aksioni për Nëna dhe Fëmijë angazhohet për shëndet më të mirë të nënave dhe fëmijëve në Kosovë. Misioni I AMC-së është shpëtimi i jetëve dhë përmirësimi i shëndetit të foshnjëve, nënave dhe fëmijëve në Republikën e Kosovës. Për ta arritur misionin e saj, AMC zbaton projekte dhe programe të ndryshme të cilat kanë ndikim të madh dhe të qëndrueshëm në sistemin shëndetësor dhe ofrojnë zgjidhje afatgjata./Telegrafi/
Promo
Reklamo këtuLufta Prigozhin - Putin
Më shumëBesnik Berisha: Enver Sekiraqa nuk është arratisur
Fajde nga zyrtari policor - rrëfimi i viktimës se si e humbi pronën
Dy gra u martuan te Bashkia e Tiranës, Malaj: Kundër veprimeve që e tejkalojnë ligjin
Babai plagosi të bijën dhe më pas vrau veten, i afërmi: Vajza ishte e divorcuar, fëmijët i kishte marrë i ati
As të dielën nuk gjendet Enver Sekiraqa, pse u la ai në arrest shtëpiak?
Aktualisht 50 fëmijë në Kosovë janë në pritje për adoptim, ndërsa 200 familje të interesuara për ta
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gjithçka çfarë ndodhi në meçin e shekullit mes Oleksandr Usyk dhe Tyson Fuyt, ku ukrainasi u shpall kampion i padiskutueshëm
Gjithçka gati - Fury dhe Usyk futen në ring
Oleksandr Usyk shpallet kampion i padiskutueshëm i peshave të rënda në boks
"Unë nuk do të ulem këtu të qaj dhe të kërkoj justifikime" - Tyson Fury flet pas humbjes
Arratisja e Enver Sekiraqes, flet avokatja e tij
Arratiset Enver Sekiraqa, policia ka informuar të gjitha vendkalimet kufitare