Qipro nuk lejon ankorimin e katër anijeve luftarake ruse në portet e ishullit

Edhe pse Rusia ka nënshkruar një marrëveshje me Qipron për t’u dhënë anijeve të saj të marinës qasje në portet e vendit mesdhetar, Nikozia këtë javë i ndaloi pesë prej tyre të ankorohen për shkak të pushtimit në Ukrainë.

Kështu raportuan mediat qipriote, duke shtuar se burimet diplomatike konfirmuan se Qiproja nuk lejoi ankorimin e pesë anijeve me një vizitë të planifikuar në portin e Limasolit.

Këto ishin fregata dhe varka mbështetëse që do të ankoroheshin për qëllime karburanti.

#Cypriot authorities annulled permission for four #Russian warships to enter the island's ports. pic.twitter.com/ybI3FSs5Gk

— NEXTA (@nexta_tv) March 5, 2022

Për shkak të pushtimit të Moskës në Ukrainë, Qiproja – së bashku me të gjitha vendet e tjera të Bashkimit Evropian – tani kanë një ndalim për anijet ruse që hyjnë në portet e bllokut. Masa synon të forcojë kufizimet detare pas ndalimit të trafikut ajror.

Ministria e Jashtme në Nikosia njoftoi Rusinë me një notë verbale se për shkak të zhvillimeve të zymta në Ukrainë është pezulluar marrëveshja për sigurimin e objekteve dhe një leje ankorimi.

Kjo i detyroi anijet ruse të kërkonin një port tjetër për furnizim me karburant, thuhet gjithashtu në raport. /Telegrafi/