“Fotografia është mënyrë për të ndjerë, prekur, dashuruar. Atë që e shkrep në film, është aty përgjithmonë… Kujton gjërat e vogla, shumë kohë pasi ti harron çdo gjë”. Kështu ka thënë fotografi i njohur amerikan, Aaron Siskind, që u ka kushtuar rëndësi detajeve për të krijuar imazhe të reja të pavarura nga subjekti origjinal – atë që legjenda e artit të fotografisë, Alfred Stieglitz, e ka quajtur realitet delikat që bëhet me real se realja.
Mjeshtri i fotografisë, Fahredin Spahija, e ka krijuar një realitet të tillë – origjinal si gjithmonë. Një ide e një vepër përtej idesë, që lë hapësirë për secilin për të interpretuar realitetin e tij. Sepse, i tillë është roli i artit: të të bëjë të reflektosh e pasqyrosh. Të të shtyjë të mendosh e të kesh guxim të shprehesh.
Video-arti që i dedikohet muzikës “Intermezzo” të Agron Shala, të finalizuar tash së voni në studion e Muhamet Veselit – Muhës, është një vepër e rrallë, jo vetëm në hapësirat shqiptare. E realizuar pa asnjë filtër apo efekt digjital, është një film i shkurtër artistik që do ta shihni ndryshe secilën herë. Mund të jetë një dokumentar, një animacion, një rrëfim që mund ta ndërtojë secili sipas asaj që ndjen. “Intermezzo” flet për dashurinë, për vetminë, për luftën me tjetrin/tjetrën, për luftën me vetveten… Për veten dhe për të tjerët… Një intermezzo e jetës tonë.
Ky bashkëpunim mes Fahredin Spahisë, Muhës dhe Agron Shalës është një tjetër rrëfim: një pasion e sakrificë e përbashkët për artin, pa asnjë interes tjetër. Aq më pak material. Një rrëfim i guximit për të krijuar e luftuar për të mbetur artist e njeri.
Vepra “Intermezzo” do të jetë pjesë e projektit të madh muzikor të Agron Shalës, “Bardhezi”, bashkëpunëtorë tjerë të të cilit janë: Xhevdet Bajraj, Valon Gashi, Ilir Veseli, Besa Llugiqi, Shkelzen Veseli, Kapllan Nikçi, Vjollca Llugiqi, Nick Montopoli, Sam Davidson…
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City