Mbretëria e Bashkuar së shpejti me taksi ajrore elektrike?

Joby Aviation po bashkëpunon me Virgin Atlantic për të prezantuar taksi ajrore elektrike në Mbretërinë e Bashkuar.

Por, Joby nuk dha një afat kohor se kur planifikon të nisë partneritetin me Virgin në Mbretërinë e Bashkuar.

Një zëdhënës i kompanisë tha se do të vinte diku pasi të nisë testimi në Emiratet e Bashkuara Arabe dhe SHBA.

Bëhet e ditur se Joby shpreson të fillojë testimin në Dubai në fund të këtij viti ose në fillim të vitit të ardhshëm pasi të dorëzojë aeroplanin e parë eVTOL (ngritje dhe ulje vertikale elektrike) në vend, përcjell Telegrafi.

Kishte planifikuar gjithashtu të nisë një shërbim komercial në SHBA në vitin 2025, por ky afat kohor mund të shtyhet pasi Joby po punon për të marrë çertifikatat e nevojshme nga Administrata Federale e Aviacionit.

Në tetor 2024, kompania tha se ishte afër marrjes së çertifikimit të tipit – që nënkupton miratimin e dizajnit të automjetit.

Dhe duhet të marrë certifikatat edhe në Mbretërinë e Bashkuar gjithashtu.

Ndryshe, eVTOL i Joby është projektuar për të mbajtur një pilot, katër pasagjerë dhe disa bagazhe.

Ai premton të fluturojë me shpejtësi deri në 321km/h, duke e bërë një fluturim nga Leeds në Manchester një udhëtim 15 minuta.

Kompania ka deklaruar synimet e saj për të nisur një shërbim taksi ajror në SHBA, Mbretërinë e Bashkuar, Emiratet e Bashkuara Arabe, Korenë e Jugut, Japoni, Indi dhe Australi. /Telegrafi/