Gripshi flet për shpërthimin te Astana, ofertat që kishte dhe të ardhmen: Hap i rëndësishëm, pres ftesë nga Shqipëria ose Kosova
Nazmi Gripshi e ka nisur në mënyrën më të mirë të mundshme aventurën në Kazakistan te skuadra e tij e re, Astana.
Dy ndeshje, 148 minuta të luajtura dhe dy gola shumë të rëndësishëm dhe dy rezultate fantastike për Astanan. Kush e kishte menduar një fillim kaq të mirë pas vetëm 25 ditëve qëndrim te klubi i ri.
Pas katër viteve qëndrim te Ballkani duke lënë gjurmë të pashlyeshme në futbollin kosovar, Gripshi ka filluar të lë gjurmë edhe në Kazakistan.
Në një intervistë për Telegrafin, mesfushori durrsak flet për aventurën kazake, pritjen që i është bërë, ofertat që kishte gjatë verës, por edhe të ardhmen ku pret që të luajë për njërën kombëtare shqiptare, Shqipërinë ose Kosovën.
Mesfushori ofensivë fillimisht tha se mezi ka pritur këtë aventurë te Astana, pasi kjo skuadër e kishte kërkuar edhe në janar.
“E prita me shumë dëshirë me provuar një eksperiencë ndryshe dhe në Evropë. Edhe në janar kishte bisedime për tu transferuar te Astana, por që në atë kohë nuk ishte e mundur dhe tani jam i lumtur që jam këtu”, tha fillimisht Gripshi.
Pritja në kryeqytetin kazak ka qenë shumë e mirë si në klub ashtu edhe nga bashkëlojtarët e tij.
“Pritja ka qenë shumë e mirë dhe klubi është shprehur shumë i lumtur për ardhjen time dhe më kanë bërë një pritje shumë të ngrohtë”, vazhdoi tutje Gripshi për Telegrafin.
27-vjeçari realizoi dy gola në dy ndeshjet e para me fanellën e Astanas, një në Kupën e Ligës në fitoren 2-4 në udhëtim te Shakhter Karagandy si dhe një tjetër në udhëtim te Milsami në kuadër të rrethit të dytë të Ligës së Konferencës.
“Të shënosh dy gola në dy ndeshjet e para nuk ka se si të nis më mirë aventura në klubin e ri. Jam i lumtur për këtë nisje, por edhe për golat dhe rezultatet që kemi marrë”, tha Gripshi.
Integrimi në skuadër ka qenë shumë i lehtë, por sigurisht që më të lehtë ia bënë bashkëlojtarët e tij të ri.
“Shokët e skuadrës më kanë pritur shumë mirë si dhe më kanë ndihmuar që të ambientohem dhe të integrohem sa më shpejt. Ka qenë gjithçka shumë bukur deri më tani”, vazhdoi tutje Gripshi.
Me tu larguar nga Ballkani si futbollist i lirë, shumë skuadra tentuan transferimin e yllit shqiptar, ku nuk munguan ofertat nga Kosova, Maqedonia e Veriut, Rumania, Polonia dhe Turqia.
“Ka pasur interesime dhe klube si nga Kosova, Shqipëria, Rumania, Polonia e Turqia. Drita, Suhareka dhe Prishtina më donin në Kosovë, Shkëndija në Maqedoninë e Veriut si dhe klube të tjera si Universiteta Craiova, Sivasspor, Cluj dhe Dinamo e Bukureshtit në Rumani. Megjithatë proejkti i Astanas ishte shumë i mirë dhe vendosa të vija këtu”, deklaroi Gripshi i cili thotë se e ka pritur një formë të tillë, pasi ishte në formë edhe në përfundim të sezonit të kaluar.
Ai e sheh Astanan si një trampolinë të mirë për të ardhmen që të luaj në një kampionat më të madh.
“Të jem i sinqertë e kam pritur një formë të tillë. Sezonin e kaluar me të përfunduar isha në formë të shkëlqyer dhe mendoja vetëm të përshtatem sa më shpejt me ekipin dhe të filloja të shënoja”.
“Astana është një ekip me emër të madh si në Kazakistan, por edhe në Evropë pasi thuajse çdo vit merr pjesë në grupet e garave të ndryshme evropiane. Ky klub besoj që do të më ndihmoj për të ardhmen, të rritem akoma më shumë dhe pse jo të bëjë më mirë e të bëj hap më të madh në karrierë”, tha Gripshi.
Gripshi ka luajtur për grupmoshat e Shqipërisë deri më U21, por ai çuditërisht kurrë nuk ka marrë ftesë nga Kombëtarja A kuqezi, as edhe nga Kosova përkundër se la gjurmë katër vite këtu. Ai pret që të vazhdoj me formën të tillë dhe të marrë një ftesë në ndeshjet e muajit shtator.
“Së pari shpresoj të vazhdoj me këtë formë dhe normalisht që pres ftesë. Ëndrra e çdo futbollisti është të luaj me Kombëtaren dhe unë mezi pres që ta bëj një gjë të tillë. Shpresoj në një ftesë nga Shqipëria ose Kosova, pasi për mua janë dy kombëtare shqiptare dhe dy vende që i dua më së shumti”, përfundoi fantazisti durrsak. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Ten Hag flet për situatën e Mason Mount te Manchester United
E krahasojnë me Modric, Feta Fetai: Motivohem nga Asllani, ndjenjë e papërshkrueshme kur vesha fanellën kuqezi
Juventusi pyeti te Interi për Davide Frattessin, përgjigja ishte e prerë dhe e shpejtë
Barcelona do të detyrohet të paguajë më shumë se sa klauzola e lirimit për transferimin e Williams
Francezët po tallen për një gabim të rëndë që kanë bërë gjatë hapjes së Lojërave Olimpike
Shpërthen skandali i dopingut në Lojërat Olimpike – volejbollistja domenikane përjashtohet nga garat
Ish-fituesi i Kupës së Botës, Philipp Lahm, jep shtëpi me qira me Airbnb për vetëm 21 euro në natë - ai premton se do të mirëpresë personalisht mysafirët
Ylli i Real Madridit synon transferimin tek rivalët e La Ligas këtë verë
Pep Guardiola i bën lutje yllit të ekipit që të qëndrojë tek Manchester City
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Koci jep detajet e fundit për rastin e Faton Hajrizit: Çdo informacion po e marr me rezervë të madhe
Ish-fituesi i Kupës së Botës, Philipp Lahm, jep shtëpi me qira me Airbnb për vetëm 21 euro në natë - ai premton se do të mirëpresë personalisht mysafirët
Sondazhi i New York Times - kush po udhëheq, Harris apo Trump
"Unë jam gjallë, nuk është ende vonë", gjermani i dënuar me vdekje në Bjellorusi kërkon ndihmë përmes televizionit shtetëror
E nisi me humbje të thellë me Juventusin, këto janë fjalët e Thiago Mottas
E gjuajtën edhe në Kosovë, Bebe Rexha i drejtohet sigurimit në shqip që të mos e largojë fansin: Lëre lëre, është vetëm një bluzë