Arsyeja pse Alejandro Garnacho zgjodhi të luante për Argjentinën pavarësisht se ka lindur në Spanjë

Ka qenë një fund i suksesshëm i sezonit për të riun e Manchester United, Alejandro Garnacho.

Talenti i mrekullueshëm jo vetëm që shënoi golin e parë në finalen e Kupës FA të Man United ndaj Manchester Cityt në maj, por ai e mbylli verën si kampion i Kupës së Amerikës pasi Argjentina mposhti Kolumbinë në vazhdime.

Garnacho bëri vetëm një paraqitje zëvendësuese gjatë turneut, ndërsa skuadra e tij vazhdoi të ngrinte trofeun, por gjërat mund të kishin shkuar në një rrugë shumë të ndryshme për ish-lojtarin e të rinjve të Atletico Madrid.

Në fakt, anësori mund të kishte ngritur një tjetër trofe të madh me Spanjën nëse do të kishte zgjedhur të luante për ta. Megjithatë, sulmuesi ka zbuluar saktësisht pse ai zgjodhi të përfaqësojë La Albiceleste, dhe është e vështirë të argumentohet me arsyetimin e tij.

Pavarësisht se ka lindur në Madrid dhe ka jetuar atje deri në transferimin e tij te Manchester United në vitin 2016, 20-vjeçari ka mbajtur gjithmonë besimin e tij se ishte argjentinas për shkak të marrëdhënies që ka me familjen e nënës së tij.

Duke folur për TyC Sports në 2023, Garancho shpjegoi: “Unë jam argjentinas. E gjithë familja e nënës sime është argjentinase, ata kanë jetuar gjithmonë atje. Dhe babai im është nga Spanja”.

“Ashtu si shkuan gjërat, familja e nënës sime u shpërngul në Spanjë dhe ajo takoi babanë tim atje dhe unë linda atje. Unë jam shumë i afërt me familjen e nënës sime, ne gjithmonë e kemi mbështetur kombëtaren që kur isha i vogël”.

“Nuk më duhej të mendoja dy herë sepse ndihem argjentinas, unë jam argjentinas. Ata besuan tek unë dhe kjo ishte e qartë për mua. Është një ekip i madh, është një mundësi e madhe dhe e gjithë familja është vërtet e lumtur dhe e më ka mbështetur nga minuta e parë”, shtoi më tej ai.

Edukimi spanjoll i sulmuesit ka nënkuptuar që sulmuesi është tallur nga tifozët për ‘përshtatjen e një theksi të rremë argjentinas’ në intervista. Argjentina do të përballet me Spanjën në ‘Finalissima’ në vitin 2025. /Telegrafi/