Për të dytin vit me radhë është hapur panairi Horeca, i cili tashmë po merr formën e një tradite, duke u shndërruar në një ngjarje të rëndësishme për të gjithë profesionistët e fushës së hotelerisë dhe gastronomisë si dhe për pronarët, menaxherët dhe kuzhinierët.
Shefa të kuzhinës nga vende të ndryshme të botës erdhën së bashku për të demonstruar talentin dhe shijet e tyre të veçanta, duke përdorur pajisjet e ofruara nga kompania Frigo Delux.
Burim Kuraja, kryeshef ekzekutiv dhe njëkohësisht organizator i panairit, theksoi se sivjet panairi ka zgjeruar hapësirën e tij për të pritur një numër më të madh të kompanive, duke numëruar një pjesëmarrje prej 45 kompanive nga brende të njohura ndërkombëtare dhe vendore.
“E kemi organizuar këtë panair për herë të dytë, i cili do të jetë tradicional çdo vit, dhe mendojmë që ta bëjmë çdo herë e më të madh. Ne si kompani Frigo Delux ofrojmë pajisje profesionale për industrinë e hotelerisë. Nga presioni i madh që kemi pasur, miqtë vendorë kanë kërkuar që të gjithë të jenë pjesë e këtij sektori që veprojnë në këtë sektor që të bashkëngjiten dhe ta bëjmë pak më të begatë”, tha Kuraja.
Ai tha se sivjet kanë 30 shefa kuzhine nga Italia dhe nga shtetet tjera.
“Ne kemi ofruar që të jemi bashkë e të kemi një fuqi më të madhe në mënyrë që ta pasurojmë sa më shumë tryezën vendore. Sivjet kemi dhe 30 shefa nga Italia dhe shtetet e tjera. Kemi po ashtu dhe shefa vendorë të cilët marrin trajnime nga shefat italianë dhe mendojmë që në kohë shumë të shkurtër do ta bëjmë dhe hapjen e qendrës së trajnimeve”, ka thënë Kuraja.
Në hapjen solemne mori pjesë edhe zëvendës shefi i misionit në ambasadën e Italisë në Kosovë, Ugo Ferrero.
Hapja e një panairi të tillë në Kosovë u vlerësua nga Ferrero, i cili tha se kjo është një mundësi e mirë për të gjitha brendet lokale dhe ato italiane.
“Është shumë i rëndësishëm dhe është shumë mirë i organizuar. Kjo është një mundësi e mirë edhe për Kosovën për të njohur brendet më të mira italiane. Kjo është një mundësi e mirë dhe për brendet lokale aktive dhe në Kosovë. Jemi shumë të lumtur që jemi pjesë e inaugurimit”, tha ai.
I pyetur se a e pëlqen ushqimin e Kosovës ai tha se i pëlqen të dyja ushqimet dhe të Kosovës dhe të Shqipërisë. “Mendoj që janë të mahnitshme. Jam në përkrahje të prodhimeve vendore të Kosovës dhe Shqipërisë”.
Anesa Besimi, koordinatore për Komunikim & PR, CEED KOSOVA, tregoi se merren me ofrimin e trajnimeve të ndryshme për ekzekutivin e bizneseve të ndryshme.
“Qendra për Ndërmarrësi dhe Zhvillim të Ekzekutivit është organizatë që operon në Kosovë që gati 15 vite dhe merret me ofrimin e trajnimeve të ndryshme për ekzekutivin e bizneseve të ndryshme”, tha ajo.
Në një kënd tjetër në ambientet e jashtme të këtij panairi ishte dhe kompania “Front”.
Blerta Isufi, e cila është arkitekte në këtë kompani, tha se ofrojnë zgjidhje cilësore për produktet e enteriterit dhe eksterierit, si dhe për ambiente të cilat kryesisht i interesojnë këtij panairi.
Në anën tjetër, kuzhinierët që ishin pjesë e panairit, ofruan një gamë të gjerë të ushqimeve – nga mishi i gatuar në mënyra të ndryshme, tek picat, makaronat dhe hamburgerët.
E, për dallim nga sektorët e tjerë ku ofronin ushqime dhe llojllojshmëri produktesh, Shkëlqim Xhafa nga Unik-Coctail ofronte shije të ndryshme të koktejeve për vizitorët e këtij panairi.
Ndryshe, panairi Horeca në Kosovë, duke u zhvilluar me sukses për të dytin vit, konfirmon angazhimin dhe potencialin e sektorit të hotelerisë dhe gastronomisë në rajon, si dhe rëndësinë e bashkëpunimit ndërkombëtar.
Panairi Horeca do të jetë i hapur edhe gjatë vikendit, andaj, mos e humbisni këtë eksperiencë për të krijuar partneritete të reja dhe për të shkëmbyer ide me 100 kompanitë pjesëmarrëse. /Telegrafi/
Lufta Prigozhin - Putin
Më shumëMomentin kur dështon dreka, zgjidhja e shpejtë është Perfetta
Agro Trade hap showroom-in e ri të pijeve - mysafirë special presidenti i Coca-Colas dhe Ujit Tepelena
Kreu i ATK-së: Ka rritje të bizneseve që regjistrohen për çështje tatimore në veri
Lansohet BrainHero: Platforma AI që zhvillon kreativitetin e fëmijëve
Kontribuoni në kampanjën për blerjen e furrës së qeramikës për Shkollën e Artit "Odhise Paskali" në Pejë
Qendra EDONI vjen me zbritje të mëdha në një shumëllojshmëri produktesh të kuzhinës
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
“Edhe ti mendon që Kurti është i rekrutuar i Serbisë”, “Unë nuk mendoj, unë e di” – përplasje mes Dibran Hoxhës dhe Lirim Mehmetaj
Po transferohet te Real Madridi, por Mbappe është tifoz i madh i një skuadre tjetër - ia shikon çdo ndeshje
Nikki Haley shkruan në raketën izraelite të drejtuar për në Gaza: Jepuni fund, Amerika e do Izraelin
PSG do ta largojë në huazim – Xavi Simons tashmë ka zgjedhur klubin e tij të ardhshëm
Shkaku i Xavit po largohet një yll nga Barcelona
Biznesmeni shqiptar i drejtohet Besit pas ndarjes nga Xhensila: Të pata thënë, më vjen keq por ke shpëtuar një herë e mirë