Ansu Fati ndër fajtorët për moskthimin e Messit te Barcelona

Me gjithë bisedimet e shumëpërfolura, Lionel Messi nuk arriti marrëveshje që të rikthehej te Barcelona duke vendosur që karrierën ta vazhdonte te Inter Miami.

Bisedimet ndërmjet babait të superyllit argjentinas, Jorge dhe presidentit të klubit katalunas, Joan Laporta, ishin produktive dhe shumë pranë finalizimit të marrëveshjes, por në fund nuk ndodhi.

Blaugranët nuk arritën që ta pastronin kufirin e pagave, ndërsa prej arsyeve ishte refuzimi i Ansu Fatit që të largohej nga Camp Nou.

Lexo po ashtu Lionel Messin do të jetë sportisti i pestë më i paguar në vit në SHBA

Xavi nuk llogarit në shërbimet e 20-vjeçarit, për të cilin kanë shprehur interesim klube, si Tottenham Hotspur, Manchester United, Bayern Munich e Paris Saint-Germain.

Mirëpo, sipas Mundo Deportivo, futbollisti i cili ka kontratë deri në vitin 2027, nuk dëshiron të largohet, ashtu që nuk ka pasur hapësirë në listën e pagave për kampionin e botës.

Vlera e tanishme e Fatit – që dikur cilësohej si pasues i Messit – sipas Transfermarkt, është rreth 35 milionë euro, megjithatë ai ka vendosur ta vazhdojë karrierën në Camp Nou. /Telegrafi/