Shoferi anglez tmerrohet pasi gjeti një gjarpër në veturën e tij

Një shofer u detyrua të ndalet në mes të rrugës pasi pau që një gjarpër i madh po lëvizë tek paneli i veturës së tij.

Historia e pazakontë u shpjegua nga një shërbim shpëtimi 24-orësh me bazë në Burton-upon-Trent të premten. Linjoy Wildlife Sanctuary and Rescue përshkroi detajet e një burri që dërgonte një veturë nga një auto sallon përfundoi duke bërë një udhëtim me një gjarpër përkrah tij.

Shoferi kontaktoi shërbimin e shpëtimit prej ku dy punonjës shkuan për të hequr gjarprin nga vetura, vetëm që ai të futej nën sedilje nga ku nuk mund të arrihej, raporton Mirror, transmeton Telegrafi.

Kjo nënkuptonte çmontimin e sediljes së pasagjerit nga vendi i saj, duke përfshirë tapetin, për të pasur qasje tek zvarraniku, i cili ishte mbështjellë rreth lidhjeve elektrike.

Dy punonjësit në fund arritën ta largonin gjarprin nga pozicioni i tij dhe e shpëtuan atë, pavarësisht faktit se ai u përpoq të kafshonte një nga ndihmësit, dhe që atëherë, kafsha është shëruar plotësisht.

Një deklaratë në faqen e Linjoy Wildlife Sanctuary and Rescue në Facebook thoshte: “Disa ditë më parë na thirrën pasi një zotëri po e dorëzonte një makinë në Melton Mowbray nga një auto sallon në Tipton”.

“Ai e kishte ndalur veturën në seksionin A38 pranë Willington pasi vuri re se një gjarpër po lëvizte tek paneli”, thuhej në deklaratë.

Tutje në deklaratë shkruhej: “Tapetat, veshjet plastike dhe sedilja anësore e pasagjerit duhej të hiqeshin të gjitha për të pasur qasje, pasi gjarpri përfundoi duke hyrë brenda pjesës së brendshme dhe duke u mbështjellë rreth lidhjeve elektrike”. /Telegrafi/