Gjyqtarët e dorëhequr serbë në Gjykatën Themelore të Mitrovicës, mund t’i rikthehen përsëri punës. Kjo pasi Këshilli Gjyqësor akoma nuk ua ka aprovuar atyre dorëheqjet. Kryesuesi i KGJK-së, Albert Zogaj ka konfirmuar se kanë ndërmarrë disa masa disiplinore ndaj tyre, kurse konkursi i ri për gjyqtar nuk ka të bëjë asgjë me gjyqtarët serbë të cilët kanë dorëzuar dorëheqjet.
Që nga shtatë nëntori i vitit të kaluar, puna në Gjykatën Themelore të Mitrovicës po zhvillohet pa kapacitete të plota.
Prej asaj kohe, gjyqtarët serbë nuk kanë dalë në punë, por pavarësisht kësaj, akoma nuk është marrë një vendim përfundimtar nëse ata do t’u kthehen përsëri detyrave të dikurshme.
Kërkesat e tyre të dorëheqjes, po vazhdojnë të qëndrojnë në sirtarët e Këshillit Gjyqësor të Kosovës.
“Ne nuk mund të shpallim vende të lira për gjyqtarët pa aprovuar dorëheqjet e tyre. Pra do të kemi procesin e dorëheqjes, pastaj zëvendësimin e tyre. Pra, shtimi i kapaciteteve nuk nënkupton që janë zëvendësuar gjyqtarët”, ka thënë kryetari i KGJK-së, Albert Zogaj.
Kryesuesi i KGJK-së, Albert Zogaj, ka treguar se kanë nisur ndërmarrjen e procedurave disiplinore.
“Kanë filluar procedurat disiplinore ndaj të gjithë gjyqtarëve dhe stafit që kanë qenë të përfshirë në aktivitete politike që bien ndesh me përgjegjësitë ligjore dhe kushtetuese dhe me etikën e gjyqtarit dhe të gjithë do të marrin përgjegjësi, edhe në situatën kur ne do të aprovonim të gjitha dorëheqjet, disa nuk do të aprovoheshin nga shkaku që disa duhet potencialisht të marrin masat disiplinore përkatëse”, shtoi Zogaj për RTV Dukagjinin.
KGJK-ja tash e disa muaj ka nisur rekrutimin e gjyqtarëve të rinj.
Mes tyre, disa prej kandidatëve janë nga komuniteti serb.
Mirëpo, atyre do t’u duhet kohë deri të nisin punën.
“Të njëjtit duhet të kalojnë përmes trajnimit në Akademinë e Drejtësisë që është së paku një vit. Kështu që në skenarin më të mirë, nëse këta gjyqtar dekretohen si të themi më 1 mars të këtij viti, para 1 marsit të vitit 2024 nuk mund t’iu ndahen rastet në punë”, ka thënë Ehat Miftaraj nga IKD.
E avokati Musa Damati pret që situata e krijuar të zgjidhet shpejtë, pasi për të dhe kolegët e tij janë krijuar shumë vështirësi.
“Është një kohë jashtëzakonisht e vlefshme e cila konsiderohet si e humbur, pastaj janë shpenzimet e jashtëzakonshme të cilat kanë karakterizuar procedurën penale dhe patjetër që janë afektuar të drejtat dhe liritë themelore të qytetarëve të Kosovës”, ka thënë avokati Damati.
Deri tani, Këshilli Gjyqësor ka ndërmarrë disa veprimet për situatën e krijuar në Themeloren e Mitrovicës, mes tyre duke i transferuar disa lëndë tek gjyqtarët shqiptarë.
Promo
Reklamo këtuLufta Prigozhin - Putin
Më shumëZhduket një 28-vjeçare në Ferizaj, familja kërkon ndihmën e policisë dhe qytetarëve për gjetjen e saj
Kurti, ambasadorëve të QUINT-it: Serbia, vitin e kaluar ka refuzuar nënshkrimin e Marrëveshjes Themelore
Hoxha: Duke e bllokuar Kosovën në KiE, Gjermania dhe Franca anojnë kah Serbia qartazi
“Para se të hidhej e pa Erdgysin me 18-vjeçaren": Zbardhet dëshmia e motrës së Almës
Iu bë atentat në Bruksel më 28 prill, ndërron jetë Agustin Kaza - dyshohet se u vra për gjakmarrje
DASH hedh poshtë pretendimet për Escobarin: Nuk është shkarkuar, do të emërohet në një pozitë tjetër sipas rrotacionit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'