Kosova dhe Serbia mbrëmë (e mërkurë) kanë arritur të nënshkruajnë marrëveshje për targat në Bruksel.
Sipas kësaj marrëveshje, Serbia do të ndalojë lëshimin e targave me emërtimet e qyteteve të Kosovës dhe në anën tjetër Kosova do të ndërpresë veprimet e mëtejshme në lidhje me riregjistrimin e automjeteve.
E pas arritjes së kësaj marrëveshje reagime të shumta ka pasur si në Kosovë ashtu edhe në Serbi, disa po e cilësojnë si fitore për Kosovën e të tjerët janë skeptikë nëse kjo marrëveshje është në favor të Kosovës.
Kryetari i PSD-së, Dardan Molliqaj ka thënë se kaq e pati “rezistenca e Albin Kurtit”, duke shtuar se nënshkruan marrëveshje që as ata vetë s’po mund ta mbrojnë.
“Prej #RKS drejt e n’targat KM. Kaq e pati “rezistenca e Albin Kurtit”. Sonte nënshkruan marrëveshje që as ata vetë s’po mund ta mbrojnë. Por më e rënda është që dakordimi i sotëm hap rrugën për dakordimet e reja. Krejt zhvillimet dhe tensionimet për targat u bën për t’ia hapur rrugën planit franko-gjerman ku nuk ka njohje e ka Asociacion”, ka shkruar Molliqaj.
Molliqaj ka theksuar se kjo është trajektorja e Albin Kurtit ku përmes imazhit të rezistencës, i pranon të gjitha marrëveshjet e dëmshme me Serbinë.
“Marrëveshjet që nuk e zgjidhin problemin, dhe na e lënë brenda konfliktin”, u shpreh Molliqaj.
Reagim ka pasur edhe nga analistë të ndryshëm dhe njohës të çështjeve politike.
Shqipe Pantina ka ironizuar me kryeministrin Kurti, duke thënë se ai “bënë kishe ai nuk lëshon pe, e mandej e dërgon Bislimin me nënshkrua”.
“Kryeministri e ka zgjedh një taktike interesante: shkon e negocion vet, pastaj bënë kishe ai nuk lëshon pe, dhe te nesërmen e dërgon Bislimin me nënshkrua. Kështu ja bon edhe me Zajednicën. Mandej del Presidentja e falënderon Amerikën. Jo adoleshent politikë, po fëmijë kopshti”, ka shkruar Pantina.
Edhe analisti Shkëlzen Gashi ka pyetur se përse regjimi i vjetër është gëzuar.
“Ky paska lëshu pe, po s’po e kuptoj pse ju të regjimit të vjetër qenkeni gëzu”, ka shkruar Gashi.
Adriatik Kelmendi ka përmendur një historik të marrëveshjeve që fillimisht janë kundërshtuar nga LVV-ja e më pas të njëjtat janë miratuar, duke e lidhur këtu edhe mosliberalizimin e vizave për Kosovën.
“Shumë mirë! Herën e parë nuk e miratuam demarkacionin. E humbëm rendin e liberalizimit të vizave. Mandej e miratuam demarkacion. Bravo! Herën e dytë nuk e pranuam marrëveshjen për targa. Na e shtynë vendimin për liberalizimin e vizave. Mandej e pranuam marrëveshjen e njëjtë. Bravo! Dy fitore! Rezultatet e njëjta. Izolimi i njëjtë!”, ka shkruar Kelmendi.
Analisti Valon Syla ka kërkuar shkarkimin e Bislimit për shkak të “tradhtisë”.
“Albin nxire at bombën atomike në Taslixhe që e ke mshef. Edhe shkarko Bislimin se na tradhtoi. Dinjitet”, ka shkruar Syla.
E aktori i njohur Fatmir Spahiu e ka parë më pozitive arritjen e marrëveshjes Kosovë-Serbi. Spahiu ka thënë se nëse kjo marrëveshje është paqe, atëherë Kosova është fituese.
“Nqs marrëveshja është Paqe, Kosova është fituese”, ka shkruar Spahiu.
Takimi në Bruksel është zhvilluar vetëm dy ditë pas një takimi që ka rezultuar pa marrëveshje mes kryeministrit të Kosovës, Albin Kurti, dhe presidentit të Serbisë, Aleksandar Vuçiq, lidhur me çështjen e targave.
Kosova dhe Serbia kanë nisur negociatat për normalizimin e marrëdhënieve më 2011, me ndërmjetësimin e Bashkimit Evropian.
Procesi i negociatave pritet të përfundojë me marrëveshje ligjërisht të detyrueshme.
Ndonëse Kosova deklaron se kjo marrëveshje duhet të përfshijë njohjen e ndërsjellë, Serbia nuk pranon, duke insistuar në “zgjidhje kompromisi”. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Vrau tri gra brenda pak orësh në Tiranë, Dan Hutra dëshmon në SPAK: Kam informacione për disa ngjarje kriminale
Tentuan t’ia vënë zjarrin shkollës “Meto Bajraktari” në Prishtinë, reagon Drejtoria e Arsimit: Të zbulohen motivet e sulmit kriminal mbi objektet shkollore
MPB jep detaje për aksidentin në Radovish
Anëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Anëtarësimi i Kosovës në KiE dhe çështja e Asociacionit - si e parasheh Tahiri procesin në Komitetin e Ministrave?
Reshjet e shiut vështirësojnë komunikacionin në magjistralen Prishtinë - Ferizaj, Policia apelon për kujdes gjatë vozitjes
“5 euro për një kafe”, arrestohet shtetasi i Maqedonisë pasi tentoi ta korruptonte policin në Vërmicë
Vdes një grua në Repartin e Gjinekologjisë në Prizren
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City