Viti i ri shkollor i ka gjetur mësimdhënësit në grevë. Tashmë kur kanë kaluar 14 ditë që nga nisja e grevës së përgjithshme, Sindikata e Bashkuar e Arsimit, Shkencës dhe Kulturës (SBASH) nuk ka dhënë sinjale për ndërprerjen e saj.
Përkundër thirrjeve të institucioneve, organizatave e prindërve që nxënësve të mos u shkelet e drejta për shkollim, sindikata ka thënë se greva do të vazhdojë, pavarësisht pakos së re të prezantuar nga ekzekutivi, e cila pritet të mbështesë të gjithë sektorin publik me nga 50 euro.
Kërkesa kyçe e sindikalistëve është ndarja e nga 100 eurove në muaj deri në miratimin e Ligjit për Paga.
Megjithatë, një kërkesë e tillë nuk po gjen mbështetje nga Qeveria e Kosovës, e cila po e konsideron absurde.
Derisa ekzekutivi dhe sindikata nuk gjejnë zgjidhje, ata që pësojnë më shumë nga kjo situatë janë nxënësit.
Prindërit po kërkojnë që të drejtat e fëmijëve të tyre për kujdes, edukim e arsimim publik të mos shkelen e nëpërkëmbën.
Kryetari i Këshillit të Prindërve të Kosovës, Jeton Demi, në një prononcim për Telegrafin tha se palët duhet të dialogojnë dhe greva të marrë fund.
Sipas tij, nuk ka asnjë argument që e arsyeton bllokimin e plotë dhe të paafat të sistemit të edukimit dhe arsimimit në vend.
“Duke shkelur qartësisht, e me pasoja e pariparueshme, të drejtën kushtetuese të fëmijëve por edhe zhvlerësuar e degraduar sistemin arsimor publik në Kosovë. Kjo jo vetëm që dëmton të ardhmen e fëmijëve tanë por edhe nxit largimin masiv të qytetarëve nga vendi”, deklaroi Demi.
Kritika pati edhe për Qeverinë, për të cilën tha se është dashur të angazhohet për ta parandaluar këtë krizë.
“Kjo krizë dukej qartë prej muajsh se do të vinte, dhe Qeveria nuk po jep shenja se është e interesuar për dialog social”.
Sipas tij, Qeveria dhe institucionet shtetërore ose duhet ta ndryshojnë ligjin e grevave dhe të ndalojnë grevat e tilla në arsim, ose duhet ta zgjidhin këtë krizë e mos të lejojnë sakrifikimin e fëmijëve.
Mes tjerash, Demi tha se qëndrojnë prapa paralajmërimit se do të kundërshtojnë kompensimin e orëve të humbura nga greva.
“Ne i qëndrojmë dhe do ta kundërshtojmë çështjen e kompensimit të ditëve të humbura në grevë gjatë ditëve të fundjavës”.
Ndërprerjen e procesit mësimor si reagim sindikal e sheh të papranueshme dhe mbi të gjitha të padrejtë ndaj nxënësve edhe drejtuesi i Institutit “EdGuard”, Rinor Qehaja.
Ai për Telegrafin tha se kërkesat e SBASHK për rritje pagash janë legjitime, por se nuk duhet të ndërpritet mësimi për shkak të një kërkese për shujtë.
“Mësimdhënësit tanë meritojnë paga të dinjitetshme dhe për këtë kanë përkrahje e të gjithëve, por nuk kanë përkrahje në ndërprerje të procesit mësimor”.
Ndryshe, sindikalistët gjithashtu po kërkojnë që të formohen grupet e përbashkëta Qeveri-Sindikatë për të punuar në Projektligjin e Pagave, i cili është në konsultime publike që nga mesi i gushtit.
Sipas Projektligjit, paga e mësimdhënësve të institucioneve arsimore parauniversitare do të rritet deri në 690 euro.
Në një deklarim për media, Kurti ka thënë se për mësimdhënësit i kanë parasysh edhe përgjegjësitë menaxheriale të tyre dhe se do t’i vlerësojnë sipas përformancës e përgatitjes profesionale. /Telegrafi/
Promo
Reklamo këtuLufta Prigozhin - Putin
Më shumëArratiset Enver Sekiraqa, policia ka informuar të gjitha vendkalimet kufitare
Arratisja e Enver Sekiraqes, flet avokatja e tij
Kupchan: Përgatitja për themelimin e Asociacionit, vendim i rëndë për Kosovën
Flet shqiptari që vrau gruan: Nuk pendohem, hante me paratë e mia dhe më tradhtonte
Serwer ngre pikëpyetje: Çfarë duhet bërë me Asociacionin?
Goditen grupet kriminale në Shqipëri, sekuestrohen pasuri në vlerë 4.5 milionë euro, arrestohen 50 persona
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gjithçka çfarë ndodhi në meçin e shekullit mes Oleksandr Usyk dhe Tyson Fuyt, ku ukrainasi u shpall kampion i padiskutueshëm
Gjithçka gati - Fury dhe Usyk futen në ring
Oleksandr Usyk shpallet kampion i padiskutueshëm i peshave të rënda në boks
"Unë nuk do të ulem këtu të qaj dhe të kërkoj justifikime" - Tyson Fury flet pas humbjes
Arratisja e Enver Sekiraqes, flet avokatja e tij
Arratiset Enver Sekiraqa, policia ka informuar të gjitha vendkalimet kufitare