Tom Cruise rikthehet sërish në bashkëpunim me kompaninë Warner Bros

Aktori dhe producenti, Tom Cruise, ka arritur një marrëveshje me Warner Bros për të luajtur në filma, njoftoi studioja të martën.

Si rezultat i marrëveshjes, Cruise dhe kompania e tij e prodhimit do të kenë zyra në Warner Bros, Discovery në Burbank.

Projektet specifike brenda partneritetit nuk janë shpallur ende, por pakti nuk është ekskluziv.

Cruise do të vazhdojë me ekskluzivitetet e tij ekzistuese, siç është seria e gjatë “Mission Impossible” me Paramount Pictures.

Lexo po ashtu Të gjitha lajmet nga Tom Cruise

Pjesa tjetër e “Mission Impossible” është planifikuar për vitin 2025.

“Ne jemi të kënaqur që mund të punojmë me Tom, një legjendë absolute e industrisë së filmit. Nuk mund të jemi më të emocionuar se sa jemi për të mirëpritur Tomin përsëri në Warner Bros dhe mezi presim të sjellim në jetë gjeniun e tij në ekran për vitet në vijim”, njoftoi Warner Bros.

Projektet e kaluara të Cruise me Warner Bros përfshijnë “Interview with the Vampire”, “Sky Business”, “The Last Samurai” dhe “Eyes Wide Shut”. Projekti i tij i fundit me studion, “On the Edge of Future”, u publikua dhjetë vjet më parë. /Telegrafi/