Lavrov në Shkup ka ardhur përmes Turqisë dhe Greqisë, Bullgaria nuk e ka lejuar fluturimin për shkak të Zakharovës
Avioni me të cilin ministri i Jashtëm rus Sergej Lavrov, mbrëmë mbërriti në Shkup për Këshillin Ministror të OSBE-së, fluturoi mbi hapësirën ajrore të Turqisë dhe Greqisë, jo Bullgarisë, raportojnë mediat ruse. Ndryshimi i itinerarit të fluturimit vjen për shkak të refuzimit të autoriteteve bullgare për të lejuar fluturimin e avionit me zëdhënësen e MPJ-së ruse, Maria Zakharova. Fluturimi zgjati më shumë se pesë orë.
Në notën e Ministrisë së Punëve të Jashtme të Bullgarisë, të cilën e kanë parë mediat ruse, thuhet: “Leja për pjesëmarrje në takimin e lartpërmendur në Shkup i është dhënë ministrit të Punëve të Jashtme të Federatës Ruse, Sergej Lavrov, dhe delegacionin e tij shoqërues në përputhje me shënimin. Leja nuk vlen për drejtoreshën e departamentit të informacionit dhe shtypit të Ministrisë së Punëve të Jashtme ruse, Maria Zakharova, e cila shfaqet në listën e sanksioneve, në përputhje me ligjet e zbatueshme të BE-së”.
Zakharova njoftoi në Telegram se vendimi “…nuk ka të bëjë vetëm me marrëzinë, por me marrëzinë e rrezikshme të ndonjë shakaxhiu në strukturat e pushtetit në Bullgari”.
“Është fakt se rregullat për trafikun ajror janë të rregulluara me Konventën e Çikagos për Aviacionin Civil Ndërkombëtar të vitit 1944. Ai përcakton se territori i një shteti duhet të kuptohet si “territore tokësore dhe ujëra territoriale ngjitur”. Hapësira ajrore nuk përfshihet në termin “territor”. Në këtë kuptim, efekti i sanksioneve të paligjshme të Bashkimit Evropian nuk mund të shtrihet në fluturimin e pandërprerë të një avioni të një personi të cilit i ndalohet hyrja në territorin e shtetit”, shkruan Zakharova në Telegram.
Ndryshe, mbrëmë ministri i Jashtëm rus Sergej Lavrov mbërriti në Maqedoninë e Veriut për të marrë pjesë në Këshillin Ministror të OSBE-së.
Profili zyrtar në Twitter i MPJ-së ruse ka publikuar fotografi nga mbërritja e Lavrovit në aeroportin ndërkombëtar të Shkupit, ku shihet se ai është pritur nga ambasadori rus në vend, Sergej Bazdnikin.
Lavrov mbërriti pas përfundimit të darkës joformale të ministrave pjesëmarrës në takimin e OSBE-së.
Pjesëmarrja e ministrit të jashtëm rus ishte e pasigurt për shkak të sanksioneve ndërkombëtare kundër Rusisë pas pushtimit të saj në Ukrainë, por pasi Bullgaria tha se do të hapte qiellin e saj dhe do të lejonte avionët e qeverisë ruse të fluturonin mbi, dhe BE tha se nuk ishte një shkelje e sanksioneve, Moska u konfirmua se Lavrov po vjen në Shkup.
Për shkak të ardhjes së Lavrov, pjesëmarrjen në takimin e OSBE-së në Shkup e anuluan ministri i Punëve të Jashtme të Ukrainës Dmytro Kuleba, shefat e diplomacisë së vendeve baltike – Estonia, Letonia dhe Lituania./Telegrafi/
Promo
Reklamo këtuLufta Prigozhin - Putin
Më shumëArratisja e Enver Sekiraqes, flet avokatja e tij
Arratiset Enver Sekiraqa, policia ka informuar të gjitha vendkalimet kufitare
Kupchan: Përgatitja për themelimin e Asociacionit, vendim i rëndë për Kosovën
Analistët: Zhvillimet rreth Këshillit të Evropës rrezikojnë të ulin ritmin e integrimit evropian të Kosovës
Serwer ngre pikëpyetje: Çfarë duhet bërë me Asociacionin?
Kryeprokurori special flet për rastin e Enver Sekiraqes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gjithçka çfarë ndodhi në meçin e shekullit mes Oleksandr Usyk dhe Tyson Fuyt, ku ukrainasi u shpall kampion i padiskutueshëm
Gjithçka gati - Fury dhe Usyk futen në ring
Oleksandr Usyk shpallet kampion i padiskutueshëm i peshave të rënda në boks
"Unë nuk do të ulem këtu të qaj dhe të kërkoj justifikime" - Tyson Fury flet pas humbjes
Arratisja e Enver Sekiraqes, flet avokatja e tij
Arratiset Enver Sekiraqa, policia ka informuar të gjitha vendkalimet kufitare